დაიბადა 1956 წელს, ქ. თბილისში.

1978 წელს დაამთავრა ივანე ჯავახიშვილის სახელობის თბილისის სახელმწიფო უნივერსიტეტის ფილოლოგიის ფაკულტეტის კავკასიურ ენათა განყოფილება.

1978-1981  წლებში იყო ივანე ჯავახიშვილის სახელობის თბილისის სახელმწიფო უნივერსიტეტის ასპირანტი.

1987 წელს დაიცვა საკანდიდატო დისერტაცია  თემაზე: ,,სინტაქსურ მიმართებაში შემავალი ზმნური კატეგორიები აფხაზურსა და ქართულში’’.

1983-1991 წლებში იყო საქართველოს მეცნიერებათა აკადემიის ენათმეცნიერების ინსტიტუტის მთის იბერიულ-კავკასიურ ენათა განყოფილების  მეცნიერ-თანამშრომელი.

2005 წელს დაიცვა სადოქტორო დისერტაცია თემაზე: ,,მცენარეთა ლექსიკა აფხაზურში (სემანტიკურ-სტრუქტურული ანალიზი)’’.

2006 წლიდან იყო ივანე ჯავახიშვილის სახელობის თბილისის სახელმწიფო უნივერსიტეტის კავკასიოლოგიის სასწავლო-სამეცნიერო ინსტიტუტის ასოცირებული პროფესორი;

 2018 წლიდან არნოლდ ჩიქობავას სახელობის ენათმეცნიერების ინსტიტუტის დირექტორი. 

არის ქართველური და მთის იბერიულ-კავკასიური ენების მკვლევარი (განსაკუთრებით აფხაზურ-ადიღურ ენათა სტრუქტურის, ლექსიკისა და ისტორიის საკითხების კვლევა, ამ ენათა გრამატიკული წყობის ანალიზი ქართველურ ენებთან მიმართებაში).

არის 150-ზე მეტი სამეცნიერო ნაშრომის, მათ შორის 8 წიგნის ავტორი.

• აფხაზური ენის აფიქსები და მოდალური ელემენტები: (გრამატიკული მიმოხილვითურთ) რედ: ლ. ვაშალიძე. თბილისი: თსუ, არნ. ჩიქობავას სახ. ენათმეცნ. ინსტ, 2020.
• აფხაზური ენის გრამატიკის საკითხები: აჭარაში მცხოვრებ აფხაზთა მეტყველების გათვალისწინებით: ტექსტებითა და ლექსიკონით/ რედაქტორი: ვ.შენგელია, თსუ არნ. ჩიქობავას  სახ. ენათმეცნიერების ინსტიტუტი- თბილისი 2017.
• აფხაზური ენის პრაქტიკული სახელმძღვანელო: გრამატიკული მიმოხილვა, ტექსტები, ლექსიკონი/ ნ.მაჭავარიანი, რ. ამიჭბა-მარღანია; ივ. ჯავახიშვილის სახ. თბ. სახელმწ. უნივერსიტეტი. თბილისი: თსუ, 2018.

ბიბლიოგრაფია