მოკლე აღწერა:

სულხან-საბა ორბელიანის „სიბრძნე სიცრუისას“ მიხაკო წერეთლისეული თარგმანი 1933 წელს ბერლინში ცნობილი ქართველი ემიგრანტის - არჩილ მეტრეველის სტამბაში დაიბეჭდა. 1980-იან წლებში ის ემიგრაციიდან ჩამოიტანა პროფ. გურამ შარაძემ და წიგნი მის პირად არქივში ინახებოდა. 1994 წელს, როდესაც ივ. ჯავახიშვილის სახელობის თბილისის სახელმწიფო უნივერსიტეტის ქართული ემიგრაციის მუზეუმი დააარსა, მეცნიერმა გერმანულად ნათარგმნი „სიბრძნე სიცრუისა“ სხვა უნიკალურ გამოცემებთან ერთად მუზეუმს გადასცა. „სიბრძნე სიცრუისას“ წერეთლისეული თარგმანი საქართველოში პირველად ქვეყნდება.