წინამდებარე სახელმძღვანელო ავტორის მიერ წლების განმავლობაში ივ. ჯავახიშვილის სახელობის თბილისის სახელმწიფო უნივერსიტეტის შემთხვევით პროცესთა თეორიასა და სხვა მომიჯნავე დისციპლინებში (ალბათობის თეორიის რჩეული თავები, სტოქასტური ანალიზი, მარტინგალების თეორია, სტოქასტური დიფერენციალური განტოლებების თეორია) წაკითხული ლექციათა კურსების გადამუშავებული ვარიანტია. მასში კომპაქტურადაა გადმოცემული თანამედროვე შემთხვევით პროცესთა თეორიის ძირითადი შედეგები და მეთოდები, აღწერილია შემთხვევით პროცესთა მნიშვნელოვანი კლასები, რომლებიც რეალური პროცესების დინამიკის ადეკვატური მათემატიკური აღწერილობის შესაძლებლობას იძლევიან. ნაშრომს ერთვის საილუსტრაციო მაგალითები და ამოცანები დამოუკიდებელი მუშაობისთვის.

წიგნი განკუთვნილია მათემატიკის მიმართულების სტუდენტებისა და მაგისტრანტებისათვის.  იგი სასარგებლო იქნება შემთხვევით პროცესთა თეორიის გამოყენებებით დაინტერესებული სხვადსხვა პროფილის სპეციალისტთა ფართო წრისათვის.