სსიპ-ივანე ჯავახიშვილის სახელობის თბილისის სახელმწიფო უნივერსიტეტი

ეკონომიკისა და ბიზნესის ფაკულტეტი

დეკანის ბრძანება                                                                                                                                 

 

№ 18/29 - 01       

31.07.2024     

 ქ.თბილისი

სსიპ-ივანე ჯავახიშვილის სახელობის თბილისის სახელმწიფო უნივერსიტეტის ეკონომიკისა და ბიზნესის ფაკულტეტის  ბაკალავრიატის საგანმანათლებლო პროგრამის „საჯარო მმართველობა“ თვითშეფასების ჯგუფის შექმნის შესახებ

„უმაღლესი განათლების შესახებ“ საქართველოს კანონის 29-ე მუხლის მესამე პუნქტის „ა“, „ე“ და „თ“ ქვეპუნქტების, საქართველოს განათლებისა და მეცნიერების მინისტრის 2013 წლის 11 სექტემბრის №135/ნ ბრძანებით დამტკიცებული საჯარო სამართლის იურიდიული პირის - ივანე ჯავახიშვილის სახელობის თბილისის სახელმწიფო უნივერსიტეტის წესდების მე-18 მუხლის მე-4 პუნქტის, 21-ე მუხლის მე–5 პუნქტის „ა“, „კ“ ქვეპუნქტისა და მე-6 პუნქტის საფუძველზე,

ვბრძანებ:

სსიპ - ივანე ჯავახიშვილის სახელობის თბილისის სახელმწიფო უნივერსიტეტის ეკონომიკისა და ბიზნესის ფაკულტეტის ბაკალავრიატის საგანმანათლებლო პროგრამის „საჯარო მმართველობა“ აკრედიტაციის მიზნებისთვის შეიქმნას თვითშეფასების ჯგუფი შემდეგი შემადგენლობით და პასუხისმგებლობებით:

1.1. ასოცირებული პროფესორი მანანა ლობჟანიძე, დეკანის მოადგილე 

პასუხისმგებლობის სფერო: თვითშეფასების ჯგუფის მუშაობის საერთო ხელმძღვანელობა

1.2. პროგრამის ხელმძღვანელები: პროფესორი გიორგი ღაღანიძე, ასოცირებული პროფესორი ნინო  ფარესაშვილი

პასუხისმგებლობის სფეროები: საგანმანათლებლო პროგრამის მიზნების, სწავლის შედეგებისა და  მათთან პროგრამის შესაბამისობის აღწერა; მიზნების თსუ მისიასთან შესაბამისობის შეფასება; სწავლების  მეთოდოლოგიისა და ორგანიზების, პროგრამის ათვისების ადეკვატურობის დადგენა; შესაბამისი მტკიცებულებებისა  და ინდიკატორების შერჩევა; პროგრამის ძლიერი და გასაუმჯობესებელი მხარეების შეფასება

1.3. ასოცირებული პროფესორი მარინა ჩავლეიშვილი, ფაკულტეტის ხარისხის უზრუნველყოფის სამსახურის უფროსი

პასუხისმგებლობის სფეროები:  ხარისხის შიდა და გარე უზრუნველყოფის ღონისძიებების დაგეგმვა და განხორციელება, თვითშეფასების პროცესის ორგანიზების ხელშეწყობა

1.4. ასოცირებული პროფესორი მერაბ ხოხობაია, ფაკულტეტის სამეცნიერო კვლევებისა  და განვითარების სამსახურის უფროსი

პასუხისმგებლობის სფეროები: პროგრამების ინტერნაციონალიზაციისა და საერთაშორისო ურთიერთობების ანალიზი; პერსონალისა და სტუდენტების კვლევითი მონაცემების ანალიზი; პერსონალისა და სტუდენტების გაცვლით პროგრამებსა და ერთობლივ კვლევებში მონაწილეობის ანალიზი

1.5. ირმა  მშვენიერაძე, ფაკულტეტის  სასწავლო პროცესის მართვის სამსახურის უფროსი

პასუხისმგებლობის სფეროები: პროგრამის რაოდენობრივი მაჩვენებლების ანალიზი; სტუდენტთა საკონსულტაციო მომსახურების აღწერა, შეფასება, ანალიზი; სტუდენტთა მიღწევებისა და მათთან ინდივიდუალური მუშაობის აღწერა.

1.6.  აკაკი   მიქაბერიძე,  ფაკულტეტის  ფინანსური  მენეჯერი 

პასუხისმგებლობის სფეროები: საგანმანათლებლო პროგრამის  ბიუჯეტების  შედგენა;   სწავლების  ფინანსური რესურსებით უზრუნველყოფის შეფასება; აკადემიური პერსონალისა და სტუდენტების სამეცნიერო მივლინებებისათვის განკუთვნილი ბიუჯეტის შეფასება; ფაკულტეტის ბიუჯეტიდან სასწავლო ლიტერატურისათვის გამოყოფილი ფინანსური რესურსების შეფასება

1.7. უჩა გოგრიჭიანი,  ფაკულტეტის საზოგადოებასთან ურთიერთობის სამსახურის უფროსი

პასუხისმგებლობის სფეროები: ორგანიზაციებთან და უწყებებთან გაფორმებული მემორანდუმების ანალიზი;  სტუდენტზე ორიენტირებული გარემოს შექმნის შეფასება

1.8. ბონდო კაკუბავა, ეკონომიკისა და ბიზნესის ფაკულტეტის მატერიალური რესურსების მართვის სამსახურის  უფროსი.

პასუხისმგებლობის სფეროები: საგანმანათლებლო პროგრამის მატერიალური რესურსებით უზრუნველყოფის  მაჩვენებლების  აღწერა და შეფასება, შესაბამისი მტკიცებულებების მომზადება

1.9. თამარ ბაგრატიონი, ფაკულტეტის ბიბლიოთეკის  ხელმძღვანელი

პასუხისმგებლობის სფეროები: პროგრამის სილაბუსების  შესაბამისად  ძირითადი და დამხმარე ლიტერატურით უზრუნველყოფის დონის შეფასება, ამ მიმართულებით ძლიერი და გასაუმჯობესებელი მხარეების გამოვლენა

1.10. ასოცირებული პროფესორი ია ნაცვლიშვილი, ფაკულტეტის ხარისხის უზრუნველყოფის სამსახურის მთავარი სპეციალისტი

პასუხისმგებლობის სფეროები: კონსულტაციები განახლებული ეროვნული კვალიფიკაციების ჩარჩოს, უმაღლესი  საგანმანათლებლო პროგრამების  აკრედიტაციის  სტანდარტების, საგანმანათლებლო პროგრამების კონცეფციების, სწავლის შედეგების შედგენის, სწავლის მიზნებისა  შედეგების შესაბამისობის საკითხებზე; სწავლების ხარისხის განვითარების შესაძლებლობების შეფასება.

1.11. ასისტენტ-პროფესორი ქეთევან ჩიტალაძე, ფაკულტეტის ხარისხის უზრუნველყოფის  სამსახურის  უფროსი სპეციალისტი

პასუხისმგებლობის სფეროები: ხარისხის უზრუნველყოფის საკითხებთან დაკავშირებული კონსულტაციები პროგრამის ხელმძღვანელებთან და სილაბუსების ავტორებთან. დაინტერესებული მხარეების გამოკითხვის დიაგრამების მომზადება/ანალიზი; შრომის ბაზრის შესახებ მონაცემთა მოპოვება; საგანმანათლებლო პროგრამის დანართების მომზადება.

1.12. ზვიად სიგუა, ფაკულტეტის  სასწავლო  პროცესის მართვის სამსახურის  მთავარი სპეციალისტი

პასუხისმგებლობის  სფეროები: ფაკულტეტის ვებ-გვერდზე  განთავსებული  ინფორმაციის სისრულის და შესაბამისობის შეფასება.

1.13. სლავა ფეტელავა - საქართველოს კონკურენციისა და მომხმარებლის დაცვის სააგენტოს ეკონომიკური კონკურენციის დეპარტამენტის უფროსი

პასუხისმგებლობის სფეროები: საგანმანათლებლო პროგრამის შრომის ბაზრის მოთხოვნებთან შესაბამისობის დადგენა; დამსაქმებელთა ბაზის კორექტირება.

1.14.  თეონა მაისურაძე, ბიზნესის ადმინისტრირების საბაკალავრო,  სამაგისტრო და სადოქტორო პროგრამის კურსდამთავრებული, სს „მინა“ HR ბიზნეს პარტნიორი

პასუხისმგებლობის სფეროები: კურსდამთავრებულთა გამოკითხვების ორგანიზებაში მონაწილეობა და  რეკომენდაციების შემუშავება პროგრამის სრულყოფის მიზნით.

1.15. თამარ ლაშხი, კურსდამთავრებული, ბიზნესის ადმინისტრირების საბაკალავრო და სამაგისტრო პროგრამის კურსდამთავრებული 

პასუხისმგებლობის სფეროები: კურსდამთავრებულთა გამოკითხვების ორგანიზებაში მონაწილეობა და  რეკომენდაციების შემუშავება პროგრამის სრულყოფის მიზნით.

1.16.  ლიზი შენგელია, ბიზნესის ადმინისტრირების საბაკალავრო პროგრამის კურსდამთავრებული

პასუხისმგებლობის  სფეროები: მონაწილეობა და  რეკომენდაციების შემუშავება პროგრამის სრულყოფის მიზნით.

1.17. ვახტანგ ქარჩხაძე, ბიზნესის ადმინისტრირების საბაკალავრო პროგრამის სტუდენტი

პასუხისმგებლობის  სფეროები: მონაწილეობა და  რეკომენდაციების შემუშავება პროგრამის სრულყოფის მიზნით.

2. წინამდებარე ბრძანების ფაკულტეტის ოფიციალურ ვებგვერდზე და ყველასთვის ხელმისაწვდომ ადგილზე  განთავსება დაევალოს ფაკულტეტის საზოგადოებასთან ურთიერთობის სამსახურს.

3. ბრძანება ძალაშია გამოქვეყნებისთანავე.

ფაკულტეტის დეკანი        პროფესორი              გიორგი ღაღანიძე