სამრეწველო ლაბორატორია და ბიზნეს ინკუბატორი Fabrication Laboratory (FabLab) - არის სრულიად ინოვაციური დაწესებულება ქართულ რეალობაში. მისი მიზანია ქვეყანაში ინოვაციური ბიზნეს იდეებისა და პროექტების განხორციელების ხელშეწყობა. 

სამრეწველო ლაბორატორია, რომელიც, თბილისის მერიის მხარდაჭერით გაიხსნა, თსუ-ის სტუდენტებსა და ყველა სხვა დაინტერესებულ პირს საშუალებას აძლევს ჩამოაყალიბონ და განახორციელონ საკუთარი ბიზნეს იდეები, შექმნან სასურველი პროდუქციის პროტოტიპები და პირველი ნაბიჯები გადადგან საკუთარი მცირე/მიკრო ბიზნესისა თუ სტარტაპის დასაწყებად.

FabLab TSU - სტუდენტებს სთავაზობს უნიკალურ სერვისს, რომელიც მოიცავს ბიზნესანალიტიკოსებთან კონსულტაციებს, მუშაობას გრაფიკოსებსა და სპეციალურ ტექნიკურ პერსონალთან. 

ფაბლაბში სტუდენტებს შესაძლებლობა აქვთ, წარმოადგინონ, ან ადგილზე შეიმუშავონ სასურველი პროდუქციის ნახაზები; შემდეგ კი მაღალტექნოლოგიური და თანამედროვე აპარატურის გამოყენებით შექმნან პროდუქტის პროტოტიპები.