პერსონალის საერთაშორისო კვირეული

ივანე ჯავახიშვილის სახელობის თბილისის სახელმწიფო უნივერსიტეტი 2017 წლიდან მასპინძლობს პერსონალის საერთაშორისო კვირეულს. ეს ღონისძიება წარმოადგენს პლატფორმას, რომელიც საშუალებას გვაძლევს ჩვენი გამოცდილება გავუზიაროთ პარტნიორი უნივერსიტეტების აკადემიურ და ადმინისტრაციულ პერსონალს, გავაღრმავოთ არსებული თანამშრომლობები და განვავითაროთ ახალი ინსტიტუციური კავშირები.

წლების განმავლობაში ღონისძიებაში მონაწილეობა მიიღო 400-ზე მეტმა მონაწილემ, რომლებიც ასზე მეტ ევროპული უნივერსიტეტს წარმოადგენდნენ.

მიზანი

პერსონალის საერთაშორისო კვირეულის მიზანია პარტნიორ უნივერსიტეტებს შორის ურთიერთობების გაღრმავება და საერთაშორისო თანამშრომლობის ახალი შესაძლებლობების იდენტიფიცირება. ეს ღონისძიება ხელს უწყობს საუკეთესო პრაქტიკების გაზიარებას, საერთო გამოწვევების განხილვასა და მათი გადაჭრის გზების პოვნას. კვირეული ასევე აერთიანებს მონაწილეებს, რათა მათ განავითარონ თავიანთი პროფესიული უნარები და მიიღონ ახალი ცოდნა სხვადასხვა აკადემიური და ადმინისტრაციული მიმართულებით.

ამასთანავე, კვირეული განსაკუთრებულ მნიშვნელობას ანიჭებს კულტურული გაცვლის ელემენტს. მონაწილეებს საშუალება ეძლევათ, გაეცნონ ქართულ კულტურას, ტრადიციებსა და თბილისის სახელმწიფო უნივერსიტეტის ისტორიულ მემკვიდრეობას. ღონისძიების ფარგლებში ტარდება სამუშაო სემინარები, პრეზენტაციები, დისკუსიები და კულტურული აქტივობები.

„პერსონალის საერთაშორისო კვირეულში მონაწილეობამ მომცა შესაძლებლობა, დამემყარებინა ახალი ურთიერთობები სხვადასხვა უნივერსიტეტის კოლეგებთან. ამ ურთიერთობებმა შეიძლება საფუძველი ჩაუყაროს  სამომავლო თანამშრომლობას, როგორიცაა სტუდენტთა გაცვლა ან ერთობლივი აკადემიური პროექტები და გარდა ამისა, ხელი შეუწყოს ჩემი მშობლიური უნივერსიტეტის ინტერნაციონალიზაციის სტრატეგიების გაუმჯობესებას.“ - პერსონალის მონაწილე.

საკონტაქტო

საგარეო ურთიერთობათა დეპარტამენტი

internationalstaffweek@tsu.ge

https://www.tsu.ge/en/foreign-relations