ივანე ჯავახიშვილის სახელობის თბილისის სახელმწიფო უნივერსიტეტის პროფესიული განათლების ცენტრის ორგანიზებით პროფესიული სტუდენტებისთვის ინტელექტუალური თამაში ”რა? სად? როდის?” გაიმართა.

თამაშის პირველი ეტაპი პროექტის  „ვისწავლოთ, დავმეგობრდეთ და აღმოვაჩინოთ საქართველო - ექსტრაკურიკულური აქტივობები მდგრადი მომავლისთვის“ ფარგლებში ჩატარდა.

ინტელექტუალურ მარათონში, რომელსაც საქართველოს ინტელექტ-კლუბის “რა? სად? როდის?” წევრები ირაკლი ვეშაგურიძე და ვალერი მინდელი უძღვებოდნენ,  6 გუნდი - “შავი ყუთი”, “სიცოცხლის არქიტექტორები”, “ბალანსის ჯადოქრები”, “ფრონტი”, “veritas” და “ლირილა ლარილა” მონაწილეობდა.

3 გამარჯვებული გუნდი “ფრონტი”, “ბალანსის ჯადოქრები” და  “veritas” მომდევნო ეტაპზე გადავიდა და გამარჯვებისთვის ბრძოლას 20 მაისს ქუთაისში გააგრძელებს.

პროექტი „ვისწავლოთ, დავმეგობრდეთ და აღმოვაჩინოთ საქართველო - ექსტრაკურიკულური აქტივობები მდგრადი მომავლისთვის“, რომელიც პროფესიული უნარების სააგენტოს დაფინანსებით ხორციელდება, რამდენიმე აქტივობას მოიცავს და პროფესიული სტუდენტების პროფესიული ცოდნის გასაღრმავებლად ექსტრაკურიკულური აქტივობებში და შემეცნებით-კულტურულ ღონისძიებებში მონაწილეობას ითვალისწინებს.