თსუ პროფესიული განათლების ცენტრის სტუდენტებისთვის ქუთაისში ტრენერმა ნიკოლოზ კილასონიამ მასტერკლასი ჩაატარა თემაზე „პირადი დროის მენეჯმენტი და წარმატებული ცხოვრების სტილი“.

მასტერკლასს, რომელიც პროფესიული პროგრამის „ღონისძიების ორგანიზება“ ხელმძღვანელის ანა რაზმაძის ორგანიზებით ჩატარდა, სხვადასხვა პროფესიული პროგრამის 50 სტუდენტი ესწრებოდა. ტრენინგის დასასრულს ყველა სტუდენტს სპეციალური სერტიფიკატი გადაეცა.