FACULTY OF EXACT AND NATURAL SCIENCES
FACULTY OF HUMANITIES
FACULTY OF SOCIAL AND POLITICAL SCIENCES
FACULTY OF PSYCHOLOGY AND EDUCATIONAL SCIENCES
FACULTY OF ECONOMICS AND BUSINESS
FACULTY OF MEDICINE
FACULTY OF LAW
ივანე ჯავახიშვილის სახელობის თბილისის სახელმწიფო უნივერსიტეტის პირველი კორპუსის შიდა ეზოში გაიმართა თსუ-ს ასოცირებული პროფესორის დავით მაზიაშვილის ახალი მონოგრაფიული ნაშრომის „შექსპირის პოსტმოდერნიზმის“ წარდგენა.
პროფ. დავით მაზიაშვილის მონოგრაფია ეძღვნება უილიამ შექსპირის რეცეფციას პოსტმოდერნისტულ ინგლისურ პროზაში, დრამატურგიასა და ინგლისურ და ქართულ თეატრში. კერძოდ, ნაშრომში შესწავლილია თანამედროვე ინგლისელი მწერლების ენჯელა კარტერის, იან მაკიუენის, ედუარდ ბონდის და ჰოვარდ ბარკერის შემოქმედება. აგრეთვე,მონოგრაფიაში გააზრებულია თანამედროვე დასავლეთის სოციო-პოლიტიკურ და კულტურულ კონტექსტში თანამედროვე ინგლისელი და ქართველი რეჟისორების მიერ ლონდონის და ქართულ თეატრებში დადგმული შექსპირის შემოქმედების უახლესი ინტერპრეტაციები.
მონოგრაფია გამორჩეულია იმითაც, რომ ნაშრომს ერთვის დავით მაზიაშვილისმიერ 2015, 2019 და 2020 წლებში თბილისში, ლონდონსა და ოქსფორდში გადაღებული სამი დოკუმენტური ფილმი ქართული შექსპირიანას შესახებ.
წიგნი განკუთვნილია სპეციალისტებისათვის, სტუდენტებისა და ზოგადად შექსპირით, პოსტმოდერნისტული ლიტერატურით, დრამატურგიითა და თეატრით დაინტერესებული ფართო მკითხველისთვის.
