ქართული ენის დღესთან (14 აპრილი) დაკავშირებით 2010 წლის 14 აპრილს თსუ მუზეუმის საგამოფენო დარბაზში გაიმართა გამოფენა. გამოფენაზე წარმოდგენილი იყო ქართველ მხატვართა ნამუშევრები, რომლებიც შექმნილია ქართული ანბანის თემაზე, მათ შორის: ელენე ახვლედიანის - „ქართული ანბანი“, „საზედაო ასოები წიგნის ილუსტრაციისათვის“, გოგი-ალექსი მესხიშვილი - „ნატურმორტი ქართული ანბანის თემაზე“, ქეთევან მატაბელი - „ფოლიანტები ქართული ანბანისათვის“.