FACULTY OF EXACT AND NATURAL SCIENCES
FACULTY OF HUMANITIES
FACULTY OF SOCIAL AND POLITICAL SCIENCES
FACULTY OF PSYCHOLOGY AND EDUCATIONAL SCIENCES
FACULTY OF ECONOMICS AND BUSINESS
FACULTY OF MEDICINE
FACULTY OF LAW
ესეების წარმოდგენის წესი
• ნაშრომი შესაძლებელია წარდგენილ იქნეს ინდივიდუალურად, ბავშვთა უფლებათა დაცვასა და არასრულწლოვანთა მართლმსაჯულებასთან დაკავშირებულ აქტუალურ საკითხებზე.
• ესეების კონკურსში ნაშრომის წარმოდგენის უფლებით სარგებლობენ თსუ იურიდიული ფაკულტეტის ბაკალავრიატის მე-2, მე-3, მე-4, მე-5, მე-6 და მე-7 სემესტრის სტუდენტები.
• შესრულებული ესეების მიღება იწარმოებს 2022 წლის 15 ივნისიდან 19 აგვისტოს ჩათვლით.
• ესეების წარმოდგენა შესაძლებელია მხოლოდ ელექტრონულად, მისამართზე: giorgi.abuladze@tsu.ge. სათაურის ველში (subject) მიუთითეთ - „ესეების კონკურსი“.
ესეების კრიტერიუმები:
• ესეში განხილული საკითხები უნდა იყოს აქტუალური, აუცილებელია წარმოდგენილი იყოს ავტორის ორიგინალური ხედვა არჩეული საკითხისადმი. სამართლებრივი მსჯელობა უნდა აღემატებოდეს აღწერილობით ნაწილს.
• ნაშრომი უნდა იყოს სტრუქტურულად ჩამოყალიბებული. შინაარსობრივად უნდა გამოიყოს შესავალი, ძირითადი ნაწილი და დასკვნა.
• ნაშრომში მითითებული სამეცნიერო წყაროების საერთო რაოდენობის არაანაკლებ ½ უნდა შეადგენდეს დასავლურ ევროპულ ენებზე გამოქვეყნებულ ლიტერატურას, გარდა თემის სპეციფიკისა.
ნაშრომის მოცულობა: არანაკლებ 5 და არაუმეტეს 7 გვერდი.
• სტატიის ქართული ტექსტი შესრულებული უნდა იყოს Sylfaen_12 ფონტით, სქოლიო - იმავე ფონტების 10 ზომით, სტრიქონებს შორის დაშორება - ერთი ინტერვალი. სქოლიოში მითითებული უნდა იყოს ციტატებისა და ფაქტობრივი გარემოებების წყარო. [ციტირების წესისთვის იხილეთ „თსუ სამართლის ჟურნალის“ მიერ დამტკიცებული სტანდარტი ].
გამარჯვებულის გამოვლენა
• ესეების მიღება შეწყდება მიმდინარე წლის 20 აგვისტოს 00:00 საათზე.
• საუკეთესო ესეს ავტორები გამოვლინდება 31 აგვისტომდე პერიოდში, რომლებსაც გადაეცემათ სერტიფიკატები და სამახსოვრო საჩუქრები.
• პირველ ადგილზე გასული ესეს ავტორს ექნება შესაძლებლობა გაიაროს 3-თვიანი სტაჟირება თსუ იურიდიული ფაკულტეტის კრიმინალისტიკისა და კრიმინოლოგიის ინსტიტუტში.
გისურვებთ წარმატებებს!