FACULTY OF EXACT AND NATURAL SCIENCES
FACULTY OF HUMANITIES
FACULTY OF SOCIAL AND POLITICAL SCIENCES
FACULTY OF PSYCHOLOGY AND EDUCATIONAL SCIENCES
FACULTY OF ECONOMICS AND BUSINESS
FACULTY OF MEDICINE
FACULTY OF LAW
ინფორმაცია გაცვლით პროგრამებში ეკონომიკისა და ბიზნესის ფაკულტეტის სტუდენტების წარმატების შესახებ
თსუ-ის ადმინისტრაციის ხელშეწყობით მუდმივად ხდება გაცვლით პროგრამებში თსუ-ის სტუდენტთა აქტიური მონაწილეობა, სადაც ეკონომიკისა და ბიზინესის ფაკულტეტის სტუდენტები საკმაოდ მაღალი აქტივობით გამოირჩევიან. შემოდგომის შემესტრში თსუ-ის ყველა ფაკულტეტზე გასაუბრებაში მონაწილე 162 აპლიკანტს შორის 26 იყო ეკონომიკისა და ბიზნესის ფაკულტეტის სტუდენტი, რომელთა შორის სტიპენდია მიიღო 10 სტუდენტმა (8 საბაკალავრო და 2 სამაგისტრო საფეხურის). სტიპენდიანტი 10 აპლიკანტიდან (9 ინგლისურენოვანი და 1 გერმანულენოვანი) 4 არის ISET-ის საბაკალავრო პროგრამიდან (1 გერმანულენოვანი და 3 ინგლისურენოვანი). ასევე აღსანიშნავია, ის გარემოება, რომ თსუ-ის საგარეო ურთიერთობის დეპარტამენტი გულითად მადლობას გამოხატავს ეკონომიკისა და ბიზნესის ფაკულტეტის ადმინისტრაციის მიმართ თანამშრომლობისთვის და მოტივირებული სტუდენტების ხელშეწყობისთვის. ასევე აღსანიშნავია, რომ ფაკულტეტიდან წარგზავნილ საბუთებში არც ერთი პრობლემური ქეისი აპლიკაციის ეტაპზე არ ჰქონიათ, რაც ფაკულტეტის ადმინისტრაციის მხრიდან წარდგენილი საბუთების დამსახურებაა. ფაკულტეტიდან კომისიის წევრად წარმოდგენილმა ყველა პროფესორმა ჯეროვნად შეასრულა დაკისრებული მოვალეობა, რასაც საგარეო ურთიერთობათა დეპარტამენტი ეკონომიკისა და ბიზნესის ფაკულტეტის მხრიდან საკმაოდ დიდ მხარდაჭერად და თანადგომად მიიჩნევს. ვიმედოვნებთ, რომ ეკონომიკისა და ბიზნესის ფაკულტეტის სტუდენტები ღირსეულად წარმოაჩენენ ფაკულტეტს და კვლავ წარმატებას მიაღწევენ აღნიშნულ კონკურსებში.