ივანე ჯავახიშვილის სახელობის თბილისის სახელმწიფო უნივერსიტეტის ზუსტ და საბუნებისმეტყველო მეცნიერებათა ფაკულტეტი (ზსმფ)

2022 წელს ფაკულტეტმა აღადგინა თსუ-ში მოქმედი მრავალწლიანი ტრადიცია ზუსტი და საბუნებისმეტყველო მეცნიერებების მიმართულებებით არსებული სკოლებისა (მაგ. ფიზ.-მათ. სკოლა, ნორჩ ტექნიკოსთა სკოლა, ნორჩ ქიმიკოსთა სკოლა და ა.შ.), რომლებიც ემსახურებოდნენ საშუალო სკოლების დამამთავრებელი კლასების მოსწავლეებისათვის ცოდნის შეძენასა და გაღრმავებას აღნიშნული მიმართულებებით და 2022 წლის 9 სექტემბერს ფაკულტეტის საბჭოს გადაწყვეტილებით დაარსდა „ზუსტ და საბუნებისმეტყველო მეცნიერებათა სკოლა“ (შემდგომში „ზსმ სკოლა“); ზსმ სკოლის ფუნქციონირება ხორციელდება შემდეგი მამიმართულებებით: ფიზიკა, მათემატიკა, ბიოლოგია, ქიმია და გეოგრაფია.

ზსმ სკოლის მიზანია დისციპლინებში: ფიზიკა, მათემატიკა, ბიოლოგია, ქიმია და გეოგრაფია საშუალო სკოლის მოსწავლეებში ინტერესის გაღვივება-გაღრმავება, ცოდნის შეძენა და განვითარება, თანამედროვე დარგობრივი სტანდარტის აზროვნებითი კულტურისა და ჩვევების გამომუშავება, თსუ-ში მოქმედ თანამედროვე სამეცნიერო კვლევით ჯგუფებთან და წამყვან აკადემიურ ცენტრებთან გაცნობა-დაახლოება  და შეძლებისდაგვარად დაკავშირება. სკოლა მოსწავლეებს შეუწყობს ხელს  მომავალში გახდნენ დაინტერესებული და მოტივირებული არჩევანის მქონე სტუდენტები და შემდგომში თავისი საქმის  პროფესიონალები.

ზსმ სკოლა ფუნქციონირებს თსუ-ს მეორე კორპუსში განთავსებულ აუდიტორიებში; გამოიყენება ფაკულტეტის მატერიალურ-ტექნიკური ბაზა. მეცადინეობებს ატარებენ ფაკულტეტის აკადემიური პერსონალი, ლაბორატორიების წამყვანი სპეციალისტები და თსუ-ს სამეცნიერო კვლევითი ინსტიტუტებისა და ცენტრების გამოცდილი მკვლევარები, რომლებიც საქართველოში აღნიშნულ დარგებში ტრადიციების გამგრძელებლები  / განმავითარებლები არიან და/ან ახალი მიმართულებების დამფუძნებლებად ითვლებიან. სკოლას უკვე ჰყავს პირველი კურსდამთავრებულები, მათგან  წარმატებულებს გადაეცათ დამადასტურებელი სერთიფიკატები.

ზსმ სკოლაში სწავლა უფასოა.

ზსმ სკოლაში მოსწავლეთა ჩარიცხვისა და სწავლების პროცესის დეტალები:

თითოეული მიმართულებით შედგება თითო სასწავლო ჯგუფი (მაქსიმუმ 25 მოსწავლის შემადგენლობით) სკოლის X-XII კლასებიდან.

შერჩევა მოხდება გასაუბრების გზით, 2024 წლის 12 ოქტომბერს 15.00-ზე შესარჩევი კომისიის მიერ საგნების მიხედვით თსუ მეორე კორპუსში ( მეორე სართულზე ძირითადი შემოსასვლელიდან ხელმარცხნივ: ფიზიკა-223 აუდ, მათემატიკა-216 აუდ, ბიოლოგია-219 აუდ, გეოგრაფია-207 აუდ, ქიმია-208 აუდ)

 სწავლება დაიწყება 2024 წლის ოქტომბერში.

• სწავლების პროგრამაში გათვალისწინებულია როგორც სასკოლო მასალა, ასევე აღნიშნული დარგების თანამედროვე მიღწევები.
• განხორციელდება ლაბორატორიებსა და კვლევით ცენტრებში სამუშაო ვიზიტები, გეოგრაფიული გარემოს  სასწავლო-საველე გაცნობა/გასვლა, გარკვეული სიხშირით/ხანგრძლივობით.
• კვირაში თითოეულ საგანში იქნება 3 საათიანი სწავლება, რომელიც მოიცავს როგორც თეორიულ, ასევე პრაქტიკულ მეცადინეობებს.
• თითოეულ საგანში ჩატარდება კვირაში 2 მეცადინეობა 1.5 საათის ხანგრძლივობით წინასწარ გაწერილი ცხრილის მიხედვით.
• საკლასო მეცადინეობები ძირითადად ჩატარდება დღის 17.00-საათიდან 20.00-საათამდე, დღეში 2 საგნის შეთავაზებით, შაბათ-კვირის შემთხვევაში - უფრო ადრე.
• თითოეულ მოსწავლეს დაინტერესების შემთხვევაში ექნება ერთ ან რამდენიმე საგანზე სწავლის შესაძლებლობა, ცხრილი ამას გაითვალისწინებს.
• მეცადინეობები ჩატარდება ინტერაქტიული მეთოდით; სწავლებისას განხორციელდება გამოკითხვები და ცოდნის შემოწმება წინასწარი გაწერილი სიხშირით.
• სისტემატური გაცდენის ან დავალებების შეუსრულებლობის შემთხვევაში მოსწავლე გაირიცხება სკოლიდან.
• ცოდნის შემოწმების დადებითი შედეგების შემთხვევაში სკოლაში სწავლის ბოლოს გაიცემა შესაბამისი დამადასტურებელი სერტიფიკატი.
• სკოლას ექნება გამოყოფილი პორტალი ფაკულტეტის ელექტრონული სწავლების ვებ-გვერდზე მასალების განსათავსებლად.

ზსმ სკოლის საკონტაქტო პირები: 

ფიზიკა:   პროფ. ნანა შათაშვილი, ფიზიკის დეპარტამენტის ასტროფიზიკის კათედრის გამგე, e-mail: nana.shatashvili@tsu.ge

მათემატიკა:    პროფ. ომარ ფურთუხია, მათემატიკის დეპარტამენტის ხელმძღვანელი,  e-mail: omar.purtukhia@tsu.ge

ბიოლოგია:     პროფ. დიანა ძიძიგური, ბიოლოგიის დეპარტამენტის ხელმძღვანელი,  e-mail: diana.dzidziguri@tsu.ge  

ქიმია:          ასოც. პროფ. მარინა რუხაძე, ქიმიის დეპარტამენტის ფიზიკური და ანალიზური ქიმიის კათედრა    e-mail:  marina.rukhadze@tsu.ge

გეოგრაფია: ასისტ. პროფ. ეთერ დავითაია, გეოგრაფიის დეპარტამენტის ბუნებათსარგებლობის გეოგრაფიის კათედრა, e-mail:  eter.davitaia@tsu.ge 

,,უმაღლესი განათლების  შესახებ“  საქართველოს კანონის  22-ე  მუხლის   პირველი  პუნქტის, ,,საჯარო სამართლის   იურიდიული   პირის    ივანე    ჯავახიშვილის    სახელობის    თბილისის სახელმწიფო უნივერსიტეტის წესდების დამტკიცების თაობაზე“ საქართველოს განათლებისა და მეცნიერების მინისტრის 2013 წლის 11 სექტემბრის  N135/ნ  ბრძანებით  დამტკიცებული  ივანე ჯავახიშვილის სახელობის  თბილისის სახელმწიფო უნივერსიტეტის წესდების მე-14 მუხლის პირველი პუნქტის, ამავე მუხლის  მე-8 პუნქტის ,,ა“ და ,,პ“ ქვეპუნქტებისა და მე-9  პუნქტის, ,,სსიპ - ივანე ჯავახიშვილის სახელობის თბილისის სახელმწიფო უნივერსიტეტის დამოუკიდებელი სამეცნიერო-კვლევითი ერთეულის სამეცნიერო პერსონალის სამსახურში მიღების ერთიანი წესისა და სამეცნიერო თანამდებობების დაკავების დამატებითი პირობების დამტკიცების შესახებ”  ივანე ჯავახიშვილის სახელობის თბილისის სახელმწიფო უნივერსიტეტის  აკადემიური საბჭოს 2017 წლის 31 მაისის N63/2017 დადგენილების დანართი N1-ის მე-4 მუხლის პირველი, მე-2 და მე-3 პუნქტების, თსუ დამოუკიდებელ სამეცნიერო-კვლევითი ერთეულის - ივანე ჯავახიშვილის სახელობის ისტორიისა და ეთნოლოგიის ინსტიტუტის დებულების მე-10 მუხლის პირველი პუნქტისა და ივანე ჯავახიშვილის სახელობის ისტორიისა და ეთნოლოგიის ინსტიტუტის დირექტორის გ. ჭეიშვილის  2024 წლის პირველი ოქტომბრის N25566/10  წერილის საფუძველზე,

ვ ბ რ ძ ა ნ ე ბ:

1. სსიპ  – ივანე ჯავახიშვილის სახელობის თბილისის სახელმწიფო  უნივერსიტეტის ივანე ჯავახიშვილის სახელობის ისტორიისა და ეთნოლოგიის ინსტიტუტის მთავარი მეცნიერი თანამშრომლის თანამდებობაზე კანდიდატის შესარჩევად დამტკიცდეს კომისია შემდეგი შემადგენლობით:
ა) გოდერძი ნარიმანიშვილი  - ისტორიის  მეცნიერებათა  დოქტორი , პროფესორი, საქართველოს ეროვნული მუზეუმის ოთარ ლორთქიფანიძის სახელობის არქეოლოგიური კვლევების ინსტიტუტის ისტორია-არქეოლოგიის მიმართულების  ხელმძღვანელი;
ბ) ალექსანდრე ნონეშვილი - ისტორიის აკადემიური დოქტორი, პროფესორი, საქართველოს ტექნიკური უნივერსიტეტის აკადემიური საბჭოს წევრი;
გ) ირინე  ტატიშვილი   - ისტორიის   მეცნიერებათა  დოქტორი , პროფესორი , ივ.ჯავახიშვილის სახელობის თსუ-ს ჰუმანიტარულ მეცნიერებათა ფაკულტეტის  ასირიოლოგიის კათედრის გამგე.
დ) დამტკიცდეს საკონკურსო კომისიის  თავმჯდომარედ  - გოდერძი ნარიმანიშვილი, საკონკურსო კომისიის თავმჯდომარის  მოადგილედ - ალექსანდრე ნონეშვილი და საკონკურსო კომისიის მდივნად - ირინე ტატიშვილი.

2. დაევალოს საკონკურსო კომისიას  კონკურსანტთა  განცხადებებისა  და     თანდართული დოკუმენტაციის მიღება და წარმოდგენილი დოკუმენტაციის სისრულის  შემოწმება სსიპ  – ივანე ჯავახიშვილის  სახელობის  თბილისის   სახელმწიფო უნივერსიტეტის  აკადემიური საბჭოს  2017 წლის 31 მაისის N63/2017 დადგენილებით  დამტკიცებულ მოთხოვნებთან შესაბამისობაში.
3. დაევალოს საკონკურსო კომისიას დასამტკიცებლად  წარუდგინოს  თსუ  რექტორს შემაჯამებელი ოქმი არაუგვიანეს 2024 წლის 4 ნოემბრისა.
4. ბრძანების დაინტერესებულ პირთათვის კანონმდებლობით დადგენილი წესით გადაცემა დაევალოს უნივერსიტეტის კანცელარიას.
5.  წინამდებარე  ბრძანების უნივერსიტეტის  ოფიციალურ  ვებ–გვერდზე   განთავსება  დაევალოს საინფორმაციო ტექნოლოგიების დეპარტამენტს.
6. ბრძანება ძალაში შევიდეს გამოცემისთანავე.

რექტორი ჯაბა სამუშია 

თსუ საბავშვო უნივერსიტეტი გთავაზობთ ექსკურსიას თსუს I კორპუსში

ექსკურსიაში მონაწილეთა რაოდენობა - ერთი კლასი (არა უმეტეს 30 მოსწავლისა)

ექსკურსიაში მონაწილეობის შესახებ კლასის დამრიგებელმა ან პასუხისმგებელმა მასწავლებელმა უნდა შეავსოს სარეგისტრაციო განაცხადი, დაელოდოს უკუკავშირს და შედგეს შეთანხმება თარიღთან დაკავშირებით.

>> სარეგისტრაციო ბმული <<

ექსკურსიის დღე - სამშაბათი, ხუთშაბათი 

• პირველი კორპუსი
• ბიბლიოთეკა
• მუზეუმი

ექსკურსია გრძელდება ერთი საათი

საკონტაქტო ინფორმაცია:  junior@tsu.ge

„უმაღლესი განათლების შესახებ" საქართველოს კანონის 22-ე მუხლის პირველი პუნქტის, საქართველოს ზოგადი ადმინისტრაციული კოდექსის 51-ე მუხლის პირველი ნაწილის, 52- ე მუხლის პირველი ნაწილის, 53-ე მუხლის მესამე ნაწილის, 54-ე მუხლის პირველი ნაწილის, 55-ე მუხლის პირველი და მე-2 ნაწილების, 56–ე მუხლის მე-2 და მე-3 ნაწილების, 57-ე მუხლის, საქართველოს განათლებისა და მეცნიერების მინისტრის 2013 წლის 11 სექტემბრის N135/ნ ბრძანებით დამტკიცებული საჯარო სამართლის იურიდიული პირის – ივანე ჯავახიშვილის სახელობის თბილისის სახელმწიფო უნივერსიტეტის წესდების მე-14 მუხლის პირველი პუნქტის, მე-8 პუნქტის „ა“, „ბ“ „ო“ და „პ“ ქვეპუნქტების, მე-9 პუნქტის, საქართველოს განათლებისა და მეცნიერების მინისტრის მოადგილის 2024 წლის 18 ივლისის „სკოლისშემოდგომი განათლებისთვის მომზადების“ პროგრამის დამტკიცების შესახებ N MES 8 24 0000880777 ბრძანების მე-7 მუხლის, „სსიპ-ივანე ჯავახიშვილის სახელობის თბილისის სახელმწიფო უნივერსიტეტის ინდივიდუალური ადმინისტრაციულ სამართლებრივი აქტების საჯაროდ გამოცხადების წესის დამტკიცების შესახებ“ თსუ-ს რექტორის 2010 წლის 13 სექტემბრის N83/01-01 ბრძანების, საქართველოს განათლების, მეცნიერებისა და ახალგაზრდობის სამინისტროს 2024 წლის 25 სექტემბრის MES 2 24 0001201142 წერილისა და უწყვეტი განათლების ცენტრის - აბიტურიენტთა მოსამზადებელი განყოფილების უფროსის 2024 წლის 30 სექტემბრის N17619/10-02 წარდგინების საფუძველზე,

ვბრძანებ:

1. ჩაირიცხონ სსიპ – ივანე ჯავახიშვილის სახელობის თბილისის სახელმწიფო უნივერსიტეტის „სკოლისშემდგომი განათლებისთვის მომზადების“ პროგრამაზე 2024- 2025 სასწავლო წელს წინამდებარე ბრძანების N1 დანართში მითითებული აპლიკანტები (დანართი N1);

2. ბრძანების უნივერსიტეტის ოფიციალურ ვებგვერდზე განთავსება დაევალოს უნივერსიტეტის საინფორმაციო ტექნოლოგიების დეპარტამენტს პირთა მაიდენტიფიცირებელი მონაცემების გარეშე;

3. დაევალოს კანცელარიას ბრძანება განათავსოს ყველასათვის ხელმისაწვდომ ადგილზე პირთა მაიდენტიფიცირებელი მონაცემების გარეშე და გადასცეს შესაბამის სტრუქტურულ ერთეულებს;

4. ბრძანება ძალაშია საჯაროდ გამოცხადებისთანავე.

ჯაბა სამუშია რექტორი

კონკურსის (რექტორის ბრძ. 198/01-01, 19.07.2024) მიზანია უნივერსიტეტში საგანმანათლებლო პროცესისა და სწავლების ხარისხის ამაღლების ხელშეწყობა.

კონკურსში მონაწილეობის მსურველმა ავტორმა (ავტორთა კოლექტივმა) უნდა წარმოადგინოს პროექტი (მოთხოვნების შესაბამისად (რექტორის ბრძ. 247/01-01, 13.09.2024 ), მათ შორის:

1. პროექტის აღწერა (მოკლე ანოტაცია) დამტკიცებული პროგრამის კურიკულუმთან შესაბამისობის დადასტურებით (შესაბამისი სილაბუსი); სილაბუსის არარსებობის შემთხვევაში - პროგრამის კურიკულუმთან შესაბამისობის დასაბუთება;

• სახელმძღვანელოს სარჩევი;
• სახელმძღვანელოს სავარაუდო სტრუქტურა;
• გამოსაყენებელი სავარაუდო ლიტერატურა;

2. არასასურველი რეცენზენტები (არაუმეტეს 5-სა. სახელისა და გვარის მითითებით);

3. ავტორის(თა) სრული CV.

პროექტებს განიხილავს კონკურსის კომისია.

პროექტების მიღება იწარმოებს 2-11 ოქტომბერს ფაკულტეტის კანცელარიაში (ოთახი 108) განაცხადის ფორმა ;

კომისიის დასკვნა - არაუგვიანეს 21 ოქტომბრისა;

ფაკულტეტის საბჭოზე გატანა და დამტკიცება;

ფაკულტეტის საბჭოს მიერ შერჩეული განცხადების შესახებ აკადემიური საბჭოსთვის ინფორმაციის მიწოდება  1 ნოემბერი (ბრძ. 248/01-01, 13.09.2024)

ორიგინალური ან სათარგმნი სახელმძღვანელოს მიმართ წაყენებული მოთხოვნები და შეფასების კრიტერიუმები იხილეთ თანდართულ ფაილში.

საუნივერსიტეტო კონკურსი ინოვაციების და ტექნოლოგიების მიმართულებით - UNI4VERSE, რომლის თემაც წელს მწვანე ტექნოლოგიებია. სარეგისტრაციო ბმული

იხილეთ დანართი:

,,უმაღლესი განათლების შესახებ” საქართველოს კანონის მე-2 მუხლის ,,ლ“ ქვეპუნქტის, 23-ე მუხლის პირველი პუნქტის და 24-ე მუხლის პირველი პუნქტის ,,ზ”, ,,თ“ და ,,ი“ ქვეპუნქტების, საქართველოს ზოგადი ადმინისტრაციული კოდექსის 51-ე მუხლის პირველი ნაწილის, 52-ე მუხლის პირველი და მე-2 ნაწილების, 53-ე მუხლის მე-3 ნაწილის, 54-ე მუხლის პირველი ნაწილის, 55-ე მუხლის, 56-ე მუხლის მე-2 და მე-3 ნაწილების, 57-ე მუხლის, საქართველოს განათლებისა და მეცნიერების მინისტრის 2013 წლის 11 სექტემბრის N135/ნ ბრძანებით დამტკიცებული სსიპ - ივანე ჯავახიშვილის სახელობის თბილისის სახელმწიფო უნივერსიტეტის წესდების მე-15 მუხლის პირველი პუნქტის, მე16 მუხლის პირველი პუნქტის ,,ნ’’, ,,ო“ და ,,პ” ქვეპუნქტების, სსიპ - ივანე ჯავახიშვილის სახელობის თბილისის სახელმწიფო უნივერსიტეტის სტუდენტური პროექტების განმსაზღვრელი საბჭოს თავმჯდომარის გიორგი გრიგოლაშვილის 2024 წლის 24 სექტემბრის N24805/10 კორესპონდენციის საფუძველზე,

ვ ბ რ ძ ა ნ ე ბ:

1. შევიდეს ცვლილება ,,სსიპ - ივანე ჯავახიშვილის სახელობის თბილისის სახელმწიფო უნივერსიტეტში სტუდენტური პროექტების დაფინანსების წესის დამტკიცების შესახებ“ ადმინისტრაციის ხელმძღვანელის 2020 წლის 31 იანვრის N24/02- 01 ბრძანების პირველი პუნქტით დამტკიცებულ ,,სსიპ - ივანე ჯავახიშვილის სახელობის თბილისის სახელმწიფო უნივერსიტეტში სტუდენტური პროექტების დაფინანსების წესში (შემდგომში - ,,წესი’’)’’ და წესის მე-2 მუხლის მე - 6 პუნქტი ჩამოყალიბდეს შემდეგი რედაქციით: „6. წარმოდგენილი სამეცნიერო და კულტურული/სპორტული/საგანმანათლებლო პროექტების დაფინანსების საკითხის განსახილველად საბჭო იკრიბება წელიწადში 3-ჯერ. წარმოსადგენი პროექტების ვადა თსუ-ის ყველა სტუდენტისთვის განისაზღვროს 10 ოქტომბრის ჩათვლით, ხოლო შემოტანილი პროექტების განხილვა განხორციელდეს არაუგვიანეს 25 ოქტომბრისა.“.

2. ბრძანების უნივერსიტეტის ოფიციალურ ვებგვერდზე გამოქვეყნება დაევალოს უნივერსიტეტის საინფორმაციო ტექნოლოგიების დეპარტამენტს.

3. ბრძანების ყველასათვის ხელმისაწვდომ ადგილზე განთავსება დაევალოს უნივერსიტეტის კანცელარიას.

4. ბრძანება ძალაში შედის გამოცემისთანავე.

5. წინამდებარე ბრძანება დაინტერესებული პირის მიერ შეიძლება გასაჩივრდეს, კანონმდებლობით დადგენილი წესით, ძალაში შესვლის დღიდან 1 თვის ვადაში ქ. თბილისის საქალაქო სასამართლოში (მისამართი: ქ. თბილისი, დავით აღმაშენებლის ხეივანი, №64).

ლაშა საღინაძე ადმინისტრაციის ხელმძღვანელი

„უმაღლესი განათლების შესახებ“ საქართველოს კანონის 22-ე მუხლის პირველი პუნქტის, საქართველოს ზოგადი ადმინისტრაციული კოდექსის 51-ე მუხლის პირველი ნაწილის, 52- ე მუხლის პირველი ნაწილის, 53-ე მუხლის პირველი, 54-ე მუხლის პირველი ნაწილის, 55-ე მუხლის, 56-ე მუხლის პირველი ნაწილის, 57-ე მუხლის, საქართველოს განათლებისა და მეცნიერების მინისტრის 2013 წლის 11 სექტემბრის N135/ნ ბრძანებით დამტკიცებული საჯარო სამართლის იურიდიული პირის – ივანე ჯავახიშვილის სახელობის თბილისის სახელმწიფო უნივერსიტეტის წესდების მე-14 მუხლის პირველი პუნქტის, მე-8 პუნქტის „ა“, „ბ“, „ო“ და „პ“ ქვეპუნქტების, მე-9 პუნქტის, საქართველოს განათლებისა და მეცნიერების მინისტრის 2021 წლის 18 ოქტომბრის N90/ნ ბრძანებით დამტკიცებული „უმაღლესი განათლების მართვის საინფორმაციო სისტემის შექმნისა და ადმინისტრირების წესისა და პირობების“ მე-7 მუხლის მე-2 პუნქტის, ივანე ჯავახიშვილის სახელობის თბილისის სახელმწიფო უნივერსიტეტის აკადემიური საბჭოს 2024 წლის 7 თებერვლის N12/2024 დადგენილებით დამტკიცებული „სსიპ – ივანე ჯავახიშვილის სახელობის თბილისის სახელმწიფო უნივერსიტეტის 2024-2025 სასწავლო წლის საერთო სამაგისტრო გამოცდების ანკეტა-კითხვარის დამტკიცების შესახებ“, „სსიპ - ივანე ჯავახიშვილის სახელობის თბილისის სახელმწიფო უნივერსიტეტის ინდივიდუალური ადმინისტრაციულ-სამართლებრივი აქტების საჯაროდ გამოცხადების წესის დამტკიცების შესახებ“ თსუ-ს რექტორის 2010 წლის 13 სექტემბრის N83/01-01 ბრძანების და ძირითადი საგანმანათლებლო ერთეულებიდან მოწოდებული ინფორმაციის საფუძველზე,

ვ ბ რ ძ ა ნ ე ბ:

1. ჩაირიცხონ 2024-2025 სასწავლო წლის შემოდგომის სემესტრიდან სსიპ - ივანე ჯავახიშვილის სახელობის თბილისის სახელმწიფო უნივერსიტეტში მაგისტრატურის საგანმანათლებლო პროგრამების შესაბამისად თანდართული სიის მიხედვით შემდეგი მაგისტრანტობის კანდიდატები:

1.1. ზუსტ და საბუნებისმეტყველო მეცნიერებათა ფაკულტეტი (დანართი №1);

1.2. ჰუმანიტარულ მეცნიერებათა ფაკულტეტი (დანართი №2);

1.3. სოციალურ და პოლიტიკურ მეცნიერებათა ფაკულტეტი (დანართი №3);

1.4. ეკონომიკისა და ბიზნესის ფაკულტეტი (დანართი №4);

1.5. იურიდიული ფაკულტეტი (დანართი №5);

1.6. მედიცინის ფაკულტეტი (დანართი №6);

1.7. ფსიქოლოგიისა და განათლების მეცნიერებათა ფაკულტეტი (დანართი №7).

2. ბრძანების უნივერსიტეტის ოფიციალურ ვებგვერდზე განთავსება დაევალოს უნივერსიტეტის საინფორმაციო ტექნოლოგიების დეპარტამენტს პირთა მაიდენტიფიცირებელი მონაცემების გარეშე.

3. დაევალოს კანცელარიას ბრძანება განათავსოს ყველასათვის ხელმისაწვდომ ადგილზე და გადასცეს შესაბამის სტრუქტურულ ერთეულებს.

4. ბრძანება ძალაშია საჯაროდ გამოქვეყნებისთანავე.

ჯაბა სამუშია რექტორი

„უმაღლესი განათლების შესახებ“ საქართველოს კანონის 22-ე მუხლის პირველი პუნქტის, საქართველოს ზოგადი ადმინისტრაციული კოდექსის 51-ე მუხლის პირველი ნაწილის, 52- ე მუხლის პირველი და მე-3 ნაწილების, 53-ე მუხლის მე-3 ნაწილის, 54-ე მუხლის პირველი ნაწილის, 55-ე მუხლის, 56-ე მუხლის მე-2 და მე-3 ნაწილების, 57-ე მუხლის, საქართველოს განათლებისა და მეცნიერების მინისტრის 2013 წლის 11 სექტემბრის №135/ნ ბრძანებით დამტკიცებული საჯარო სამართლის იურიდიული პირის - ივანე ჯავახიშვილის სახელობის თბილისის სახელმწიფო უნივერსიტეტის წესდების მე-14 მუხლის პირველი პუნქტის, მე-8 პუნქტის ,,ა", ,,ბ", ,,ო" და ,,პ" ქვეპუნქტების, მე-9 პუნქტის, სსიპ - ივანე ჯავახიშვილის სახელობის თბილისის სახელმწიფო უნივერსიტეტის პროფესიული საგანმანათლებლო პროგრამის სასწავლო პროცესის მარეგულირებელი წესის მე-10 მუხლის პირველი პუნქტის, თსუ პროფესიული განათლების ცენტრის ხელმძღვანელის მოვალეობის შემსრულებლის 2024 წლის 27 სექტემბრის N25341/10 წარდგინების საფუძველზე,

ვ ბ რ ძ ა ნ ე ბ:

1. სსიპ - ივანე ჯავახიშვილის სახელობის თბილისის სახელმწიფო უნივერსიტეტის პროფესიულ საგანმანათლებლო პროგრამებზე 2024 წელს დარეგისტრირებული აპლიკანტების საჩივარში წარმოდგენილი საკითხების განხილვა წარიმართოს შემდეგი პროცედურული დაცვით:

ა) აპლიკანტმა საჩივარი უნდა გამოაგზავნოს თსუ პროფესიული განათლების ცენტრის ოფიციალურ ელექტრონულ ფოსტაზე cve@tsu.ge იმ ელექტრონული ფოსტიდან, რომლითაც დარეგისტრირებულია აპლიკანტი სსიპ - განათლების მართვის საინფორმაციო სისტემაში. საჩივრის ტექსტში უნდა იყოს მითითებული, თუ რომელ პროფესიულ საგანმანათლებლო პროგრამაზე, რომელ ლოკაციაზე (თბილისი, ქუთაისი), რა თარიღში ჰქონდა გასაუბრება (შერჩევა) აპლიკანტს და შემდეგ გასაჩივრების საფუძველი/მიზეზი;

ბ) სააპელაციო კომისია აპლიკანტის საჩივარს განიხილავს თუ დაცული იქნება წინამდებარე ბრძანების პირველი პუნქტის „ა“ ქვეპუნქტით განსაზღვრული პირობები და აპლიკანტი მიუთითებს გასაუბრების პროცესში წარმოშობილი ტექნიკური ხასიათის შემდეგ საკითხ(ებ)ზე:

ბ.ა) აპლიკანტს არ მიეცა საკმარისი დრო გასაუბრებაზე (5 წთ.-ზე ნაკლები);

ბ.ბ) შესარჩევმა კომისიამ აპლიკანტს არ გააცნო გასაუბრების ზოგადი წესები და ამ ინფორმაციის არცოდნამ აპლიკანტის შეფასებაზე ნეგატიურად იმოქმედა;

ბ.გ) გასაუბრების პროცესში კომისიის წევრმა აპლიკანტს დაუსვა ისეთი კითხვები, რომელიც არ იყო კავშირში მოტივაციურ გასაუბრებასთან ან/და აპლიკანტს არ მიეცა საშუალება კომისიის წევრის მხრიდან დასმულ შეკითხვაზე ეპასუხა ამომწურავად. 2. სსიპ - ივანე ჯავახიშვილის სახელობის თბილისის სახელმწიფო უნივერსიტეტის პროფესიულ საგანმანათლებლო პროგრამებზე 2024 წელს დარეგისტრირებული აპლიკანტების საჩივრების განმხილველი სააპელაციო კომისიის მუშაობა წარიმართოს შემდეგი წესის დაცვით:

ა) სააპელაციო კომისიის თავმჯდომარემ ორგანიზება გაუწიოს კომისიის სრულფასოვან მუშაობას და კომისიის წევრების შეკრებას;

ბ) სააპელაციო კომისიის მდივნის ფუნქცია-მოვალეობას ასრულების კომისიის ერთერთი წევრი კომისიის თავჯდომარის დავალებით, რომელსაც ევალება დააოქმოს კომისიის ყველა შეკრება;

გ) სააპელაციო კომისიის წევრ(ებ)ი აქტიურად არის ჩართული კომისიის მუშაობაში და გადაწყვეტილების მიღების პროცესში;

დ) კომისია უფლებამოსილია თუ სხდომას ესწრება კომისიის შემადგენლობის ნახევარზე მეტი;

ე) სააპელაციო კომისია აპლიკანტის საჩივართან დაკავშირებით დასაბუთებულ გადაწყვეტილებას იღებს სხდომაზე დამსწრე კომისიის წევრთა ხმების უმრავლესობით.

ვ) კომისიის წევრების ხმების თანაბრად გაყოფის შემთხვევაში გადამწყვეტია თავმჯდომარის ხმა.; ზ) კომისიის მუშაობის შედეგები და გადაწყვეტილება ფორმდება ოქმის სახით და მას ხელს აწერს კომისიის დამსწრე წევრები;

თ) სააპელაციო კომისია იღებს ორი სახის გადაწყვეტილებას: პირველი, საჩივარი რჩება განუხილველი და ეცნობება აპლიკანტს ელექტრონული სახით, მეორე, საჩივარი დაკმაყოფილდება და სააპელაციო კომისიის გადაწყვეტილება ეგზავნება თსუ პროფესიული განათლების ცენტრის ხელმძღვანელს შემდგომი რეაგირების მიზნით.

3. ბრძანების ყველასათვის ხელმისაწვდომ ადგილზე განთავსების უზრუნველყოფა და შესაბამის სტრუქტურულ ერთეულებისთვის მიწოდება დაევალოს უნივერსიტეტის კანცელარიას.

4. ბრძანების უნივერსიტეტის ოფიციალურ ვებგვერდზე განთავსება დაევალოს საინფორმაციო ტექნოლოგიების დეპარტამენტს.

5. ბრძანება ძალაშია გამოცემისთანავე.

ჯაბა სამუშია რექტორი

შერჩევის კონკრეტული თარიღი და დრო აპლიკანტებს აესახებათ 2 სამუშაო დღით ადრე vet.emis.ge - ის ბაზაში.

გთხოვთ, დეტალური ინფორმაციისთვის ეწვიოთ vet.emis.ge ვებ გვერდს.

სსიპ - ივანე ჯავახიშვილის სახელობის თბილისის სახელმწიფო უნივერსიტეტში პროფესიულ საგანმანათლებლო პროგრამებზე 2024 წლის მიღებაზე ქ. თბილისში და ქ. ქუთაისში რეგისტრირებულ აპლიკანტთა შერჩევის თარიღების დადგენის, შესარჩევი და სააპელაციო კომისიების შემადგენლობის განსაზღვრის შესახებ ბრძანება

პროფესიულ საგანმანათლებლო პროგრამებზე ქ. თბილისში და ქ. ქუთაისში რეგისტრირებული აპლიკანტების შერჩევის თარიღები

თბილისის სახელმწიფო უნივერსიტეტის ვიცე-რექტორი ერეკლე ასტახიშვილი ესპანეთის დელეგაციას შეხვდა.  დელეგაციის შემადგენლობაში ესპანეთის საქმეთა რწმუნებული მარკოს გრანადოს გომესი  და სერვანტესის ინსტიტუტის დირექტორი ფერნანდო ვარა დე რეი იყვნენ.  შეხვედრაზე საუბარი   შეეხო სერვანტესის ინსტიტუტის მიერ საერთაშორისოდ ორგანიზებული დელეს გამოცდის  ცენტრის თბილისის სახელმწიფო უნივერსიტეტში გახსნის შესაძლებლობას. განხილული იყო სამოქმედო გეგმა უნივერსიტეტში დელეს ფილიალის შესაქმნელად.

 სახელმწიფო უნივერსიტეტის წარმომადგენლების მიერ, აღინიშნა უნივერსიტეტში  ესპანისტიკის მიმართულების ძლიერ მხარეები და ასევე ამ კუთხით არსებული პრობლემები და  გამოწვევები.  საუბარი იყო  ასევე იმ შესაძლებლობაზე,  რომელშიც აქტიურად უნდა ჩაერთოს ესპანეთის წარმომადგენლობა საქართველოში და  კერძოდ სერვანტესის ინსტიტუტი ამ თვალსაზრისით თსუ-ს ხელშესაწყობად.  

ხაზი გაესვა იმ მიღწევებს რაც თსუ-ში ესპანეთის  მთავრობასთან, ბასკური ენის ცენტრთან თანამშრომლობის კუთხით არსებობს და უნივერსიტეტში ესპანური და ბასკური ენების ლექტორების ყოფნითაც გამოიხატება.

შეხვედრას  სახელმწიფო უნივერსიტეტში  მოღვაწე ესპანური და ბასკური ენის ლექტორები,  თსუ  საგარეო ურთიერთობის დეპარტამენტის ხელმძღვანელი თეა გერგედავა ესწრებოდნენ.

ივანე ჯავახიშვილის სახელობის თბილისის სახელმწიფო უნივერსიტეტში ახალი, 2024 -2025 სასწავლო წელი დაიწყო. თბილისის სახელმწიფო უნივერსიტეტის რექტორმა, აკადემიკოსმა ჯაბა სამუშიამ ერთიანი ეროვნული გამოცდების შედეგად ბაკალავრიატის საფეხურზე  ჩარიცხულ 6200-მდე პირველსემესტრელ სტუდენტთან შეხვედრები გამართა და სასწავლო წლის დაწყება მიულოცა.

პირველსემესტრელებთან შეხვედრაზე თბილისის სახელმწიფო უნივერსიტეტის რექტორმა, ფაკულტეტების დეკანებთან და სტუდენტური თვითმმართველობის წარმომადგენლებთან ერთად სტუდენტებს  საუნივერსიტეტო პროექტებსა და სერვისებზე დეტალური ინფორმაცია გააცნო.

„მინდა ყველა სტუდენტს მივულოცო სწავლის დაწყება. აღსანიშნავია, რომ თბილისის სახელმწიფო უნივერსიტეტი კვლავინდებურად ლიდერია ქართულ უმაღლეს სასწავლებლებს შორის, წელს 6 200 პირველსემესტრელი მივიღეთ.  თბილისის სახელმწიფო უნივერსიტეტი ამ ახალგაზრდებს შესთავაზებს იმ თანამედროვე სწავლის ფორმატსა და სერვისებს, რაც მსოფლიოს წამყვან უნივერსიტეტებშია. უნივერსიტეტის თითოეული პროფესორ-მასწავლებელი მოწოდებულია, რომ ჩვენს სტუდენტებს თანამედროვე ევროპული განათლება მისცეს. უნივერსიტეტში ბევრი რამ გაკეთდა ინფრასტრუქტურის გაუმჯობესების კუთხით, იგეგმება ახალი სახელმძღვანელოების შექმნა, ახალი სამეცნიერო ჟურნალების გამოცემა, ახალი სამეცნიერო პროექტების განხორციელება და იმედია, ის პირველკურსელები, რომლებიც წელს ჩაირიცხნენ უნივერსიტეტში, აქტიურად ჩაერთვებიან ამ პროექტებში“,- აღნიშნა ჯაბა სამუშიამ.

თბილისის სახელმწიფო უნივერსიტეტის რექტორმა 2024 წლის ერთიანი ეროვნული გამოცდების შედეგად ივანე ჯავახიშვილის სახელობის თბილისის სახელმწიფო უნივერსიტეტის სხვადასხვა ფაკულტეტზე ჩარიცხულ ყველაზე მაღალქულიან პირველსემესტრელ სტუდენტებს სიგელები გადასცა.

ახალი სასწავლო წლის დაწყებამდე ერთი თვით ადრე, თსუ-ს უმაღლესი შეფასებით, სრული და უპირობო 6-წლიანი  ავტორიზაცია მიენიჭა.  ეს გადაწყვეტილება უცხოელი და ქართველი მაღალკვალიფიციური ექსპერტების შეფასების საფუძველზე, უმაღლესი საგანმანათლებლო დაწესებულებების ავტორიზაციის საბჭომ მიიღო. 

სამივე საფეხურის 26 ათასამდე სტუდენტსა და 3 ათასამდე პროფესორ-მასწავლებელს თსუ განახლებული ინფრასტრუქტურით ხვდება: სარეაბილიტაციო პროექტების ფარგლებში მე-3 სასწავლო კორპუსის შიდა ეზოში მოეწყო სოციალური სივრცე; შიდა ეზოს მოწყობის სამუშაოები დასრულდა მე-5 კორპუსში; მე-10 (მაღლივ) კორპუსში მიმდინარეობს ცენტრალური კიბის რეაბილიტაცია; თსუ ცენტრალური ბიბლიოთეკის შენობაში მოწესრიგდება გათბობის ცენტრალური სისტემა; თსუ პირველი კორპუსის ეზოში სტუდენტებს განახლებული კვების ობიექტი - თსუ კაფეტერია დახვდებათ.

 ივანე ჯავახიშვილის სახელობის თბილისის სახელმწიფო უნივერსიტეტი, ჰუმანიტარულ მეცნიერებათა ფაკულტეტის, ფილოსოფიის ს/ს ინსტიტუტი   2024 წლის 14-15 ნოემბერს იუნესკოს პროგრამის ფარგლებში  ატარებს  ფილოსოფიის მსოფლიო დღისადმი მიძღვნილ  საერთაშორისო კონფერენციას ,,ფილოსოფია და თანამედროვეობა.

კონფერენცია ეძღვნება  თბილისის სახელმწიფო   უნივერსიტეტის პროფესორის, ფილოსოფიის ისტორიის კათედრის გამგის, საქართველოს მეცნიერებათა აკადემიის აკადემიკოსის, მეცნიერების დამსახურებული მოღვაწის კონსტანტინე (კოტე) ბაქრაძის დაბადებიდან  126-ე   წლისთავს.  

კონფერენციის მიზანია:

• სამეცნიერო და საგანმანათლებლო აქტივობა თანამედროვე ფილოსოფიურ აზროვნებაში. ფილოსოფიის დარგების, მეტაფიზიკის, ონტოლოგიის პოლიტიკური ფილოსოფიის, ეთიკისა და ზნეობის ფილოსოფიის, რელიგიის ფილოსოფიის, კულტუროლოგიის  და სხვ. მიმართულებით.
• საქართველოს სხვადასხვა უნივერსიტეტში აღნიშნული პრობლემატიკით დაინტერესებული პროფესორებისა და ახალგაზრდა მკვლევარების შეკრება და მათი სამეცნიერო მუშაობის სტიმულირება.
• პრობლემით დაინტერესებულ ქართველ მეცნიერთა მუშაობის კოორდინირება და მათი კონტაქტების გაღრმავება უცხოელ კოლეგებთან.

კონფერენციისთვის წარსადგენი მოხსენებების თემატიკა მოიცავს ფილოსოფიის დარგებს: მეტაფიზიკა-ონტოლოგიის, ფილოსოფიის ისტორიის, ანთროპოლოგიის, პოლიტიკური ფილოსოფიის, ეთიკის, კულტურის ფილოსოფიის, ლოგიკის  რელიგიის,   ხელოვნების სფეროებს.

განსაკუთრებით მივესალმებით აკადემიკოს კონსტანტინე ბაქრაძის ფილოსოფიური ნააზრევის  გარშემო წარმოდგენილ მოხსენებებს და შედარებითი კვლევის შედეგებს.

კონფერენციის გახსნა: 2024 წლის 14 ნოემბერს, 10:00.  107-ე აუდიტორია.

მისამართი : ივანე ჯავახიშვილის სახელობის თბილისის სახელმწიფო უნივერსიტეტის  I კორპუსი, ი. ჭავჭავაძის გამზ. #1,

სამუშაო ენა: ქართული და ინგლისური

კონფერენციაში მონაწილეობის მსურველებმა უნდა წარმოადგინონ:

(გაფართოებული თეზისები და მოხსენების სრული ტექსტი, რომელიც დაიბეჭდება ,,ფილოსოფიურ-თეოლოგიურ მიმომხილველში’’ N15, 2015).

• მოხსენების სათაური, მომხსენებლის სახელი და გვარი, აკადემიური სტატუსი, ტელეფონის ნომერი, ელექტრონული ფოსტის მისამართი
• მოხსენების ტექსტი  ელექტრონული ვერსია, ( 10-12 გვ. A4 ფორმატი, შრიფტი UNICODE (Sylfaen),  ზომა 12,  ინტერვალი 1.5)
• გაფართოებული რეზიუმე ინგლისურად (3 გვ. A4 ფორმატი, შრიფტი UNICODE (Sylfaen),   ზომა 12, ინტერვალი 1.5 ) 

გთხოვთ მიუთითოთ მოხსენებისათვის საჭირო ტექნიკა.

კონფერენციაზე წარსადგენი ყველა მასალა, როგორც მიბმული დოკუმენტი (დანართი), უნდა გაიგზავნოს შემდეგ მისამართზე: demuri.jalagonia@tsu.ge, ან  anastasia.zakariadze@tsu.ge,  არაუგვიანეს 2024 წლის 5 ნოემბრისა.

კონფერენციაზე წარსადგენ მოხსენებებს შეარჩევს საორგანიზაციო კომიტეტი.

მისამართი: ოთახი 205, თსუ ფილოსოფიის სასწავლო-კვლევითი ინსტიტუტი, ივანე ჯავახიშვილის სახელობის თბილისის სახელმწიფო უნივერსიტეტის II კორპუსი,  ი. ჭავჭავაძის გამზ. 3.

ტელ : 599 257471

თბილისის სახელმწიფო უნივერსიტეტის იურიდიული ფაკულტეტის პროფესორი და ადამიანის უფლებათა ევროპული სასამართლოს მოსამართლე ლადო ჭანტურია 2024 წლის 23 სექტემბერს ფარული კენჭისყრის გზით სტრასბურგის ადამიანის უფლებათა ევროპული სასამართლოს სექციის თავმჯდომარედ აირჩიეს.

თბილისის სახელმწიფო უნივერსიტეტი ულოცავს პროფესორ ლადო ჭანტურიას დამსახურებულ აღიარებას და უსურვებს წარმატებას. პროფესორ ლადო ჭანტურიას ღვაწლი ქართული სამართლის განვითარებაში ფასდაუდებელია. იგი იდგა საქართველოს სამოქალაქო კოდექსის შექმნის სათავეებთან და არის თანამედროვე ქართული სამართლის ერთ-ერთ შემოქმედი. საქართველოს ყოფილი იუსტიციის მინისტრი, უზენაესი სასამართლოს ყოფილი თავმჯდომარე და საქართველოს ყოფილი ელჩი გერმანიაში, პროფესორი ლადო ჭანტურია 2018 წლის 8 იანვრიდან არის ადამიანის უფლებათა ევროპული სასამართლოს მოსამართლე, ხოლო 2023 წლის18 მაისს, იგი V სექციის ვიცე-თავმჯდომარედ აირჩიეს. მისი პროფესიული მიღწევების მიუხედავად, მას არ შეუწყვეტია პედაგოგიური მოღვაწეობა. ლადო ჭანტურია ის ადამიანია, რომელმაც არაერთ ქართველ იურისტს გაუკვალა გზა ევროპულ სამეცნიერო - კვლევით თუ საგანმანათლებლო დაწესებულებებში და გარდამტეხიწვლილი შეიტანა მათ განვითარებაში.

2023 წელს ლადო ჭანტურია ევროპის აკადემიის (Academia Europaea) ნამდვილ წევრად აირჩიეს. გარდა თბილისის სახელმწიფო უნივერსიტეტისა, ის მოღვაწეობდა ბრემენის უნივერსიტეტში, ჰამბურგის მაქს პლანკის საზღვარგარეთის ქვეყნებისა და საერთაშორისო კერძო სამართლის ინსტიტუტსა  და ქრისტიან-ალბრეხტის სახელობის კილის უნივერსიტეტში.

თსუ რექტორი კიდევ ერთი ფაკულტეტის პირველსემესტრელ სტუდენტებს შეხვდა. ჯაბა სამუშიამ მედიცინის ფაკულტეტის სტუდენტებს ფაკულტეტის დეკანთან მაია ბიწკინაშვილთან ერთად მიულოცა სწავლის დაწყება. რექტორმა პირველკურსელებს უნივერსიტეტში მედიცინის მიმართულების განვითარების ისტორია გააცნო იმ შესაძლებლობებზე ისაუბრა, რომლითაც უნივერსიტეტში სწავლის განმავლობაში ისარგებლებენ. რექტორმა სტუდენტებს გაცვლით პროგრამებსა და საუნივერსიტეტო პროექტებში ჩართვისკენ და საუნივერსიტეტო სერვისების მაქსიმალურად გამოყენებისკენ მოუწოდა.

„თბილისის სახელმწიფო უნივერსიტეტში მედიცინის სწავლებას დიდი ისტორია აქვს. როდესაც უნივერსიტეტი დაარსდა, ლექციების წასაკითხად იწვევდნენ მსოფლიოს წამყვან სპეციალისტებს მედიცინის მიმართულებით. 30 წელზე მეტია დავიწყეთ ამ ტრადიციის აღდგენა და მას შემდეგ ძალიან ინტენსიურად მიმდინარეობს სამედიცინო მიმართულების აღორძინება. ჩვენ მაქსიმალურად გამოვყოფთ ფინანსებს, იმისთვის რომ მედიცინის ფაკულტეტის პროფესორ-მასწავლებლებმა ცოდნა გაიღრმაონ საზღვარგარეთ, ასევე, ფაკულტეტზე არსებული ბაზები, სიმულაციური ცენტრები უფრო გაძლიერდეს და განახლდეს. აქტიური მუშაობა მიმდინარეობს საუნივერსიტეტო სამედიცინო კლინიკის შესყიდვაზე. მედიცინის ფაკულტეტის სტუდენტებისთვის არის ძალიან ბევრი გაცვლითი პროგრამა და სასურველია თქვენი ჩართულობა ცოდნის ინტერნაციონალიზაციის მიზნით“, - აღნიშნა ჯაბა სამუშიამ სტუდენტებთან შეხვედრაზე.

შეხვედრის ფარგლებში 2024 წლის ერთიანი ეროვნული გამოცდების შედეგად თსუ მედიცინის ფაკულტეტზე ჩარიცხულ პირველსემესტრელს ლუკა ჭუმბურიძეს რექტორმა სიგელი გადასცა.

შედეგები იხილეთ დანართის სახით

 თბილისის სახელმწიფო უნივერსიტეტში 15-18 სექტემბერს, ევროკომისიის პროექტის „შავი  ზღვის კვლევებისა  და  ინოვაციების   ხელშეწყობა  ლურჯი ზრდის თანაგანვითარებისათვის მდგრადი ეკოსისტემების შენარჩუნების   პირობებში-BRIDGE-BS) ფარგლებში საზაფხულო სკოლა გაიმართა. მასში მონაწილეობა  მიიღეს   შავი ზღვის საკითხებზე მომუშავე ახალგაზრდა მკვლევარებმა შავი ზღვის აუზის ქვეყნებიდან (თურქეთი, ბულგარეთი, რუმინეთი, უკრაინა, საქართველო).

       საზაფხულო სკოლის ძირითად თემატიკას  შავი ზღვის და მიმდებარე ტერიტორიების სოციო-ეკონომიკური, გარემოსდაცვითი და მასთან დაკავშირებული ეკოლოგიური  საკითხები წარმოადგენდა.  

,,უმაღლესი განათლების შესახებ“ საქართველოს კანონის 22-ე მუხლის პირველი პუნქტის, 373 მუხლის პირველი პუნქტის, ,,საჯარო სამართლის იურიდიული პირის ივანე ჯავახიშვილის სახელობის თბილისის სახელმწიფო უნივერსიტეტის წესდების დამტკიცების თაობაზე“ საქართველოს განათლებისა და მეცნიერების მინისტრის 2013 წლის 11 სექტემბრის N135/ნ ბრძანებით დამტკიცებული ივანე ჯავახიშვილის სახელობის თბილისის სახელმწიფო უნივერსიტეტის წესდების მე-14 მუხლის პირველი პუნქტის, ამავე მუხლის მე-8 პუნქტის ,,ა“, და ,,პ’’ ქვეპუნქტებისა, მე-9 პუნქტის, ,,სსიპ - ივანე ჯავახიშვილის სახელობის თბილისის სახელმწიფო უნივერსიტეტის დამოუკიდებელი სამეცნიერო-კვლევითი ერთეულის სამეცნიერო პერსონალის სამსახურში მიღების ერთიანი წესისა და სამეცნიერო თანამდებობების დაკავების დამატებითი პირობების დამტკიცების შესახებ” ივანე ჯავახიშვილის სახელობის თბილისის სახელმწიფო უნივერსიტეტის აკადემიური საბჭოს 2017 წლის 31 მაისის N63/2017 დადგენილების დანართი N1- ის მე-6 მუხლის მე-17, მე-18 და მე-20 პუნქტების, პეტრე მელიქიშვილის სახელობის ფიზიკური და ორგანული ქიმიის ინსტიტუტის დებულების, მე-8 მუხლის მე-7 პუნქტის, მე-10 მუხლისა, სსიპ ივანე ჯავახიშვილის სახელობის თბილისის სახელმწიფო უნივერსიტეტის საშტატო განრიგის დამტკიცების შესახებ რექტორისა და ადმინისტრაციის ხელმძღვანელის 2024 წლის 17 აპრილის 14/04 ბრძანების და პეტრე მელიქიშვილის სახელობის ფიზიკური და ორგანული ქიმიის ინსტიტუტის დირექტორის ქეთევან ებრალიძის 2024 წლის 18 სექტემბრის N24255/10 წერილის (თან ერთვის ინსტიტუტის საკონკურსო კომისიის 2024 წლის 18 სექტემბრის სხდომის შემაჯამებელი ოქმი) საფუძველზე,

ვ ბ რ ძ ა ნ ე ბ:

1.დამტკიცდეს სსიპ - ივანე ჯავახიშვილის სახელობის თბილისის სახელმწიფო უნივერსიტეტის დამოუკიდებელ სამეცნიერო - კვლევით ერთეულში პეტრე მელიქიშვილის სახელობის ფიზიკური და ორგანული ქიმიის ინსტიტუტის უფროსი მეცნიერი თანამშრომლის და მეცნიერი თანამშრომლის თანამდებობებზე გამოცხადებული კონკურსის შედეგები (შემაჯამებელი ოქმი) და განისაზღვრონ არჩეულად:

ა) ფიზიკურ-ქიმიური პროცესების კვლევის ლაბორატორია: ზურაბ ამირიძე - უფროსი მეცნიერი თანამშრომელი (7 წლის ვადით) - 1 საშტატო ერთეული

ბ) მაღალმოლეკულურ ნაერთთა ქიმიის ლაბორატორია: ილია ჩაჩავა - მეცნიერი თანამშრომელი (4 წლის ვადით) - 1 საშტატო ერთეული

2.დაევალოს პერსონალის მართვის დეპარტმენტს შრომითი ხელშეკრულებების გაფორმება პეტრე მელიქიშვილის სახელობის ფიზიკური და ორგანული ქიმიის ინსტიტუტის არჩეულ პერსონალთან.

3.წინამდებარე ბრძანების უნივერსიტეტის ოფიციალურ ვებ–გვერდზე განთავსება დაევალოს საინფორმაციო ტექნოლოგიების დეპარტამენტს.

4.წინამდებარე ბრძანება კანონმდებლობით დადგენილი წესით გადაეცეს შესაბამის სტრუქტურულ ერთეულებს (საფინანსო დეპარტამენტი, პერსონალის მართვის დეპარტამენტი, შიდა აუდიტის სამსახური, პეტრე მელიქიშვილის სახელობის ფიზიკური და ორგანული ქიმიის ინსტიტუტი).

5. ბრძანება ძალაშია გამოცემისთანავე.

ჯაბა სამუშია რექტორი

თბილისის სახელმწიფო უნივერსიტეტის იურიდიულ ფაკულტეტზე პირველი საერთაშორისო სამეცნიერო სიმპოზიუმი „ადამიანის უფლებათა დაცვის მულტიდისციპლინური ასპექტები გლობალური გამოწვევების ფონზე“ გაიმართა.

სიმპოზიუმში მონაწილეობა იურიდიული ფაკულტეტის დეკანმა თამარ ზარანდიამ; იუსტიციის მინისტრის მოადგილე თორნიკე ჭეიშვილმა, იურიდიული ფაკულტეტის დეკანის მოადგილემ, პროექტის ხელმძღვანელმა გიორგი დგებუაძემ; აგრეთვე, აკადემიური წრეების წარმომადგენლებმა და დოქტორანტებმა მიიღეს.

საერთაშორისო სიმპოზიუმი, რომელიც თსუ იურიდიულ ფაკულტეტზე ყოველწლიურად გაიმართება, იუსტიციის სამინისტროს საგრანტო პროგრამის შედეგად დაფუძნდა. მისი მიზანი,  ეროვნული და საერთაშორისო საუნივერსიტეტო თანამშრომლობის ხელშეწყობა; დარგის განვითარებაში დოქტორანტთა და ახალგაზრდა მეცნიერთა როლისა და მნიშვნელობის წარმოჩენა; ადამიანის უფლებათა დაცვის სფეროში არსებული პრობლემები და მათი გადაჭრის თანამედროვე მეთოდების ჩვენებაა.

ღონისძიება, რომელიც  იუსტიციის მინისტრის მოადგილემ  გახსნა, პანელური დისკუსიების ფორმატში წარიმართა. საუბარი ადმინისტრაციული სამართლის, სამართლის ისტორიის და სამართლის მეთოდების, კერძო სამართლის, კონსტიტუციური სამართლის, საერთაშორისო სამართლისა და სისხლის სამართლის აქტუალურ საკითხებს შეეხო, ადამიანის უფლებების დაცვის ჭრილში.

საერთაშორისო სიმპოზიუმი ყოველწლიურად გაიმართება, რაც შესაძლებლობას შექმნის ინტენსიური საერთაშორისო საუნივერსიტეტო თანამშრომლობისათვის.

პროექტი იუსტიციის სამინისტროს საგრანტო კონკურსის ფარგლებში დაფინანსდა, რომელსაც უწყება სისტემის საქმიანობაში სამოქალაქო საზოგადოების მონაწილეობის ხელშეწყობისა და სამოქალაქო ინიციატივების მხარდაჭერის მიზნით ყოველწლიურად აცხადებს.

თბილისის სახელმწიფო უნივერსიტეტის კლასიკური ფილოლოგიის, ბიზანტინისტიკისა და ნეოგრეცისტიკის ინსტიტუტის ჟურნალი “ფაზისი“ საერთაშორისო სამეცნიერო ბაზაში - Scopus-ში შევიდა. ამის შესახებ ჟურნალის სარედაქციო კოლეგიამ ოფიციალური შეტყობინება უკვე მიიღო, ხოლო თავად ჟურნალი ერთი თვის განმავლობაში აისახება ბაზაში.

Scopus არის საყოველთაოდ აღიარებული და ერთ-ერთი ყველაზე პრესტიჟული საერთაშორისო ბაზა, რომელიც სხვადასხვა დარგის რეფერირებულ აკადემიურ ჟურნალს აერთიანებს. ბაზაში „ფაზისის“ ჩართვა მნიშვნელოვანი ნაბიჯია ქართული სამეცნიერო გამოცემების მიმართ ნდობისა და პრესტიჟის ამაღლებისთვის, მათი საერთაშორისო აღიარებისთვის, რაც ხელს შეუწყობს ჰუმანიტარული მეცნიერებების მიმართულებით საქართველოს სამეცნიერო სივრცეში მაღალი აკადემიური სტანდარტის დანერგვას, ქართველ მეცნიერთა ცნობადობის ზრდასა და მათ ინტეგრაციას საერთაშორისო სამეცნიერო სივრცეში.

ჟურნალი „ფაზისი“ 1999 წელს დაარსდა თსუ კლასიკური ფილოლოგიის, ბიზანტინისტიკისა და ნეოგრეცისტიკის ინსტიტუტის მიერ. ჟურნალის დაარსების ინიციატორი და მთავარი რედაქტორია თსუ-ის ემერიტუსი პროფესორი, საქართველოს მეცნიერებათა აკადემიის აკადემიკოსი და საქსონიის მეცნიერებათა აკადემიის წევრ-კორესპონდენტი რისმაგ გორდეზიანი. „ფაზისის“ წარმატებაში მნიშვნელოვანი წვლილი შეიტანეს რედაქტორებმა - თამარ ჭეიშვილმა და თამარ ჯაფარიძემ. ჟურნალის სარედაქციო კოლეგიას შეადგენენ ქართველი და უცხოელი მეცნიერები, მათ შორის ჰაიდელბერგის, იენის, ბრემენის, პიზის, ბოლონიის, დარემის უნივერსიტეტების სხვადასხვა თაობის პროფესორები. ჟურნალი ბეჭდური და ელექტრონული სახით ყოველწლიურად გამოიცემა და ინგლისურ, ფრანგულ და გერმანულ ენებზე აქვეყნებს სტატიებს სიძველეთმცოდნეობის, კლასიკური ფილოლოგიის, ბიზანტინისტიკისა და ნეოგრეცისტიკის სფეროში.

2015 წელს “ფაზისი“ რეფერირებული ჟურნალი გახდა და 2020 წელს შევიდა ERIH PLUS-ის ბაზაში. Scopus-ში „ფაზისის“ ჩართვა კი ჩვენი უნივერსიტეტის ჰუმანიტარული მეცნიერებების, ბერძნულ-რომაული ფილოლოგიის ქართული სკოლის და, ზოგადად, ქართული მეცნიერების მნიშვნელოვანი წარმატებაა. ეს არის ჰუმანიტარული მეცნიერებების პროფილის მქონე პირველი  საუნივერსიტეტო ქართული ჟურნალი, რომელიც Scopus-ის ბაზაშია ინდექსირებული.