იურიდიული დეპარტამენტის უფროსი

დაწყების თარიღი: 05 მაისი 2022

დასრულების თარიღი: 05 ივნისი 2022

ვაკანსია გამოცხადებულია იურიდიულ დეპარტამენტში.

ძირითადი მოთხოვნები:

• უმაღლესი იურიდიული განათლება (სამართალმცოდნეობის ან საერთაშორისო სამართლის სპეციალობით);
• მნიშვნელოვანი სამართლის დარგების ცოდნა, როგორიცაა საქართველოს სამოქალაქო კოდექსის, სამოქალაქო საპროცესო კოდექსის, ადმინისტრაციული კოდექსის, ადმინისტრაციული საპროცესო კოდექსის, შრომის კოდექსის, კორპორატიული სამართლის -  მეწარმეთა შესახებ საქართველოს კანონის ახალი რედაქციის ცოდნა;
• აუდიტორულ ან/და იურიდიულ კომპანიაში უფროს იურისტად/იურიდიული მიმართულების ხელმძღვანელის პოზიციაზე მუშაობის არანაკლებ 5 წლიანი გამოცდილება;
• ყველა ინსტანციის სასამართლოში და ადმინისტრაციულ ორგანოებში (საჯარო რეესტრი და ფინანსთა სამინისტროს სისტემაში შემავალი ორგანოები ჩაითვლება უპირატესობად) საქმის წარმოების გამოცდილება;
• იურიდიული სამსახურის მართვისა და ხელმძღვანელობის უნარები, პრობლემის გადაჭრისა და სიღრმისეული ანალიზის უნარები, სამსახურის საქმიანობის დაგეგმვა და ორგანიზება, წერითი და ვერბალური კომუნიკაცია;
• უცხო ენების ცოდნა: ინგლისური ენა - B2 დონე (ვერბალური, წერითი), რუსული ენა - სასურველია;
• საოფისე კომპიუტერული პროგრამების ცოდნა აუცილებელია;

ფუნქცია-მოვალეობები:

• სამართლებრივი დოკუმენტაციის წარმოება და მისი საქართველოს კანონმდებლობასთან შესაბამისობის უზრუნველყოფა;
• სამართლებრივი დოკუმენტაციის ნოტარიუსთან და მარეგისტრირებელ ორგანოში წარდგენა/რეგისტრაცია;
• სხვადასხვა ტიპის ხელშეკრულების მომზადება, ხელშეკრულების მხარესთან მოლაპარაკების პროცესში ჩართვა და კომპანიის ინტერესების დაცვა;
• წერილების, ბრძანებებისა და სხვა ტიპის დოკუმენტაციის მომზადება;
• საკანონმდებლო სიახლეების კონტროლი და მათი კომპანიისათვის გაცნობა/დანერგვის პროცესში მხარდაჭერა;
• კომპანიის კლიენტებისთვის სამართლებრივ საკითხებზე კონსულტაციის გაწევა;
• შრომით-სამართლებრივ საკითხებში კომპანიის მხარდაჭერა;
• აუდიტორული საქმიანობის მარეგულირებელ კანონმდებლობასთან შესაბამისობის უზრუნველყოფა;
• შიდა პოლიტიკებისა და პროცედურების სამართლებრივი შეფასება;
• კომპანიის კლიენტების ინტერესების დაცვა ყველა ინსტანციის სასამართლოში, ადმინისტრაციულ ორგანოებში ან/და ნებისმიერ მესამე პირ(ებ)თან;
• სასამართლო სარჩელების, შესაგებლების, საჩივრების, შუამდგომლობებისა და სასამართლო დავებთან დაკავშირებული სხვა დოკუმენტაციის მომზადება;
• კომპანიის დირექტორის სხვა დავალებების შესრულება.

დამატებითი ინფორმაცია:

• სამუშაოს ტიპი: სრული განაკვეთი, 5 სამუშაო დღე
• სამუშაო საათები: 10:00 – 19:00
• ანაზღაურება: შეთანხმებით
• სამუშაო ადგილი: ქ. თბილისი, აფაქიძის ქ. #11 (ტიფლის ბიზნეს ცენტრი)

დაინტერესებულ კანდიდატებს, გთხოვთ გამოაგზავნოთ რეზიუმე შემდეგ ელექტრონულ მისამართზე: career@ecovis.ge.

ელექტრონული წერილის სათაურის ველში (Subject) მიუთითეთ ვაკანსიის დასახელება.