პოზიციის დასახელება: სსიპ საქართველოს ინტელექტუალური საკუთრების ეროვნული ცენტრის - „საქპატენტის“ გამოგონების და ახალი ჯიშების დეპარტამენტის სტაჟიორი

სტაჟიორთა რაოდენობა: 10

სტაჟირების ადგილმდებარეობა: საქპატენტის სათავო ოფისი, ქ. მცხეთა, ანტიოქიის ქ. N5

ანაზღაურება: 600 ლარი (დარიცხული)

გამოსაცდელი ვადა: 3 თვე

ფუნქცია-მოვალეობები:

• დეპარტამენტის მუშაობის სპეციფიკის გაცნობა;
• დეპარტამენტის უფროსის მითითებით და მენტორის (სტაჟირების ხელმძღვანელი) მეთვალყურეობით გამოგონებებთან და საპატენტო განაცხადებთან დაკავშირებული კონკრეტული დავალებების შესრულება, მათ შორის:

1. წინასწარი საპატენტო ძიების ჩატარება, ტექნიკის დონის ანალიზი, პატენტუნარიანობის წინასწარი შეფასება;
2. საპატენტო განაცხადებზე კანონმდებლობით გათვალისწინებული მოთხოვნების შესაბამისად საქმის წარმოებაში მონაწილეობა (საპატენტო ძიების ჩატარება, ტექნიკის დონის ანალიზი, პატენტუნარიანობის შეფასება);

• ტრენინგებში და სემინარებში მონაწილეობა;
• კომპეტეციის ფარგლებში ხელმძღვანელის მიერ გაცემული სხვა დავალებების შესრულება.

საკვალიფიკაციო მოთხოვნები:

• აუცილებელია კანდიდატი იყოს მინიმუმ III - IV კურსის სტუდენტი (საბუნებისმეტყველო  ან საინჟინრო მიმართულებით: ფიზიკა, ქიმია, ბიოლოგია, მედიცინა, კომპიუტერული და საინფორმაციო მეცნიერებები/მათემატიკა, მექანიკური ინჟინერია, სამშენებლო ინჟინერია, ელექტრო და ელექტრონული ინჟინერია, კომპიუტერული ინჟინერია, აგრარული მეცნიერებები, საკვები და სასმელი პროდუქტები) და სწავლისას გამოირჩევა მაღალი აკადემიური მოსწრებით, რაც დასტურდება GPA-ით (მინიმუმ 3.0 შესაბამის საგანმანათლებლო დაწესებულებაში GPA-ის გამოთვლის წესის არსებობის შემთხვევაში) ან საგანმანათლებლო პროგრამის ფარგლებში მიღებული შეფასებების საშუალო არითმეტიკულით (მინიმუმ (B) ძალიან კარგი 81-90%);
• აუცილებელია ინგლისური ენის ცოდნა (B1 დონე), სასურველია დარგობრივი ინგლისურის ენის ცოდნა;
• სასურველია გერმანული, ფრანგული ან რუსული ენის ფლობა;
• აუცილებელია საოფისე კომპიუტერული პროგრამების ცოდნა (იგულისხმება მინიმუმ 2 საოფისე კომპიუტერული პროგრამის კარგად ფლობა).

პიროვნული უნარ-ჩვევები:

• კომუნიკაბელურობა;
• ლოგიკური აზროვნება;
• კეთილგანწყობა;
• მოტივირებულობა;
• გუნდურად მუშაობის უნარი.

დამატებითი ინფორმაცია:

• სტაჟირების პროცესი მოიცავს ინტენსიურ სატრენინგო კურსს, რომლის დროსაც სტაჟიორები პრაქტიკულ გამოცდილებასთან ერთად, შეიძენენ თეორიულ ცოდნას შესაბამის დარგში;
• ანაზღაურებადი სტაჟირება შეიძლება გაგრძელდეს ერთ წლამდე ვადით.

დაინტერესებულ პირებს, გთხოვთ, გამოაგზავნოთ თქვენი რეზიუმე ელფოსტაზე employment@tsu.ge 2023 წლის 5 თებერვლამდე.