ვაკანსია: კომპანია PKF Kaizen-ი აცხადებს ვაკანსიას საგადასახადო და საბუღალტრო მომსახურების დეპარტამენტში

კატეგორია: ტრენინგი და ანაზღაურებადი სტაჟირება

საკონკურსო დოკუმენტაციის მიღების პერიოდი: 10/01/2023 - 01/02/2023

PKF Kaizen-ი საქართველოში წარმოადგენს აუდიტსა და საკონსულტაციო სფეროში მოღვაწე გლობალური ქსელი PKF International-ის (www.pkf.com) იურიდიულად დამოუკიდებელ სრულუფლებიან წევრს, რომელიც საქართველოში მოღვაწეობს 2000 წლიდან. PKF International-ი თავისი გლობალური ქსელის მეშვეობით, რომელიც მოიცავს 220 წევრს, ოპერირებს მსოფლიოს 150 ქვეყანაში.

ტრენინგი

შერჩეული კანდიდატები საწყის ეტაპზე გაივლიან 2.5 თვიან (კვირაში 2 ლექცია) სრულ  კურსს საქართველოს საგადასახადო კოდექსში. კურსის ფარგლებში კანდიდატები დაწერენ 4 ტესტს. ტრენინგის ადგილი - ქ. თბილისი, წერეთლის გამზირი №116 - დიდუბე პლაზა.

სტაჟირება

საუკეთესო შედეგების მქონე კანდიდატებს კომპანია მიიღებს 6 თვიან ანაზღაურებად სტაჟირებაზე. კომპანიისთვის ტრენინგის და სტაჟირების მიზანს წარმოადგენს კანდიდატებთან ხანგრძლივი თანამშრომლობა. 

სტაჟირების სამუშაო გრაფიკი - სრული (ორშაბათი-პარასკევი, 9:30-18:30, შესვენება 1 საათი)

სამუშაო ადგილი - ქ. თბილისი, წერეთლის გამზირი №116 - დიდუბე პლაზა

ძირითადი საკვალიფიკაციო მოთხოვნები:

• ბაკალავრის დიპლომი ან დამამთავრებელი კურსის სტუდენტი ეკონომიკის, ბიზნესის ადმინისტრირების (ბუღალტრული/ფინანსური აღრიცხვა, აუდიტი) მიმართულებით;
• ინგლისური ენის მაღალ დონეზე ცოდნა;
• Microsoft Office-ის პროგრამების (Excel, Word) საშუალო დონეზე ცოდნა.

ძირითადი პიროვნული უნარები და თვისებები:

• პროფესიასთან დაკავშირებულ დოკუმენტაციასთან (კანონები, ინსტრუქციები, ბრძანებები, სტანდარტები და ა.შ.) და საბუღალტრო და ბიზნეს პროცესების აღრიცხვის პროგრამებთან გულმოდგინედ, სიღრმისეულად და ამომწურავად მუშაობის სურვილი/უნარი/ნებისყოფა;
• თვითგანვითარებაზე ზრუნვის სურვილი/უნარი/ნებისყოფა;

სტაჟირებისას შესაძლებლობას გაძლებთ:

უშუალოდ ჩაერთოთ და მიიღოთ მონაწილეობა რეალურად მოქმედი ადგილობრივი და საერთაშორისო კომპანიების:

• ოპერაციების საგადასახადო დაგეგმვაში;
• საგადასახადო მიმოხილვის (აუდიტის) პროცესში;
• ბუღალტრული აღრიცხვის განხორციელებაში;
• შემოსავლების სამსახურში წარსადგენი დეკლარაციების/გაანგარიშებების შედგენაში;
• „ფეიროლ“ სერვისებთან დაკავშირებულ ოპერაციებში;

გპირდებით:

კომპანიაში დანერგილი განვითარების შესაბამისი ეტაპების გავლის და ხელმძღვანელის მიერ გაცემული მითითებების გულმოდგინედ შესრულების შემთხვევაში, 7 თვიდან 24 თვის პერიოდში (დამოკიდებულია ინდივიდის განვითარების უნარზე და შესაძლებლობაზე):

• დაეუფლებით სხვადასხვა სფეროში მოღვაწე სამეურნეო სუბიექტების საგადასახადო მიმოხილვის (აუდიტის) მეთოდოლოგიას;
• შეძლებთ ანალიზი გაუკეთოთ და შეაფასოთ ადგილობრივ და საერთაშორისო ოპერაციებთან დაკავშირებული საგადასახადო რისკები;
• განახორციელებთ კომპანიის/ების სამეურნეო ოპერაციების ბუღალტრულ აღრიცხვას და შემოსავლების სამსახურში წარსადგენი დეკლარაციების/გაანგარიშებებს მომზადებას;
• მიიღებთ მნიშვნელოვან ცოდნას საქართველოში მოქმედ ყველა გადასახადთან და შემოსავლების სამსახურის ადმინისტრირებას დაქვემდებარებულ მოსაკრებლებთან დაკავშირებით;

შეძლებთ III  და IV ზომითი კატეგორიის სუბიექტების ფინანსური ანგარიშგების მომზადებას.

დაინტერესებულმა კანდიდატებმა გამოაგზავნეთ რეზიუმე (CV) 2023 წლის 01 თებერვლამდე შემდეგ ელექტრონულ მისამართზე: pkf@pkfgeorgia.com და Irakli.kharchilava@pkfgeorgia.com და სათაურის ველში მიუთითეთ „Tax&Accounting”.

კითხვების არსებობის შემთხვევაში შეგიძლიათ დაგვიკავშირდეთ - მობ.: 595 11 49 19.

პერსონალური მონაცემების დამუშავება (მათ შორის, სხვა სახელმწიფოსთვის გადაცემა) განხორციელდება სს ფი ქეი ეფ კაიზენის (ს/კ: 205198212) მიერ (მათ შორის, უფლებამოსილი პირის მეშვეობით), რომელიც მოქმედებს მონაცემთა დაცვის საერთაშორისო სტანდარტებთან და მოქმედ კანონმდებლობასთან შესაბამისობაში. პერსონალური მონაცემების დამუშავების მიზანია კანდიდატის შესაბამისობის დადგენა არსებულ/სამომავლო ვაკანსიის მოთხოვნებთან, დასაქმების თაობაზე გადაწყვეტილების მიღების მიზნით და შეინახება არაუმეტეს 3 წლის ვადით.