მანანა გაბაშვილი
ისტორიკოსი
დაბადების თარიღი 1945
1968 წელს დაამთავრა თბილისის სახელმწიფო უნივერსიტეტის აღმოსავლეთმცოდნეობის ფაკულტეტი და ასპირანტურა 1971 წელს. 1972-1990 წლებში იყო საქართველოს რესპუბლიკის მეცნიერებათა აკადემიის გ. წერეთლის სახელობის აღმოსავლეთმცოდნეობის ინსტიტუტის წამყვანი მეცნიერი თანამშრომელი, ამავე ინსტიტუტის ახალგაზრდა მეცნიერ მუშაკთა და ასპირანტთა საბჭოს თავმჯდომარე. მანანა გაბაშვილი აქტიურ პოლიტიკურ მოღვაწეობასაც ეწეოდა, იყო საქართველოს რესპუბლიკის უზენაესი საბჭოს წევრი და მას ხელი აქვს მოწერილი საქართველოს სახელმწიფოებრივი დამოუკიდებლობის აღდგენის აქტზე (1991 წლის 9 აპრილი).