დაიბადა 1930 წელს ქ. თბილისში.

1953 წელს დაამთავრა თბილისის სახელმწიფო უნივერსიტეტის ფიზიკის ფაკულტეტი .

1957-1962 წლებში იყო საქართველოს მეცნიერებათა აკადემიის ფიზიკის ინსტიტუტის მეცნიერ-თანამშრომელი.

1962 წლიდან, სხვადასხვა პერიოდში იყო თსუ-ის კიბერნეტიკის ლაბორატორიის მეცნიერ-თანამშრომელი, მაღალი ენერგიების ბირთვული ფიზიკის სამეცნიერო-კვლევითი ლაბორატორიის განყოფილების გამგე, თსუ-ის პრორექტორი სამეცნიერო მუშაობის დარგში .

1985-1991 წლებში  თბილისის სახელმწიფო უნივერსიტეტის რექტორი.

 1991 წელს დაინიშნა მაღალი ენერგიების ფიზიკის ინსტიტუტის დირექტორად.

ნოდარ ამაღლობელი არის ელემენტარული ნაწილაკების და ატომბირთვის ექსპერიმენტული ფიზიკის აღიარებული მკვლევარი, 150-ზე მეტი სამეცნიერო  ნაშრომის ავტორი, რომელთაგან ბევრი დაიბეჭდა უცხოეთის პრესტიჟულ სამეცნიერო გამოცემებში. 1992 წლიდან ნ. ამაღლობელი  საქართველოს სრულუფლებიანი  წარმომადგენელი იყო ქ. დუბნის  ბირთვული კვლევების გაერთიანებულ ინსტიტუტში.

ბიბლიოგრაფია:

ატომბირთვის და ელემენტარული ნაწილაკების ფიზიკის განვითარება საბჭოთა საქართველოში (ავტორი) // მეცნიერება და ტექნიკა N6. - თბილისი, 1988. - გვ.5-10.

ბუშტოვანი კამერიდან მიღებული სტერეოსურათების გამზომი სისტემა და მისი საიმედოობის შეფასება (ავტორი) // საქართველოს სსრ მეცნიერებათა აკადემიის მოამბე, ტ.73. - თბილისი, 1974. - გვ.305-308

ქაღალდის პერფოლენტიდან ელექტრონულ-გამომთვლელ მანქანა "რაზმად-2"-ში ინფორმაციის შემყვანი მოწყობილობა (ავტორი) // თბილისის სახელმწიფო უნივერსიტეტის შრომები. - თბილისი, 1972. - გვ.71-78