უცხო ენის მოქმედი საერთაშორისო სერტიფიკატების არქონის შემთხვევაში (აღებული უკანასკნელი 6 წლის მანძილზე, B2 დონე), თსუ-ის მიერ ადმინისტრირებულ გაცვლით პროგრამებში (ERASMUS+ ICM, Bilateral Exchange Programs, და სხვ.) მონაწილეობის მსურველი სტუდენტები (ვისთვისაც 2025 წლის გაზაფხულის სემესტრი იქნება II-VI სემესტრები (ბაკალავრიატი), I-II სემესტრი (მაგისტრატურა) და დოქტორანტურის ნებისმიერი სემესტრი) უნდა დარეგისტრირდნენ უცხო ენის ინსტიტუციურ ტესტირებაზე.

რეგისტრაცია უნდა განხორციელდეს გაცვლითი და მობილობის პროგრამების მართვის ელექტრონული სარეგისტრაციო პორტალის mobility.tsu.ge საშუალებით.

უცხო ენის ინსტიტუციურ ტესტირებაზე რეგისტრაცია შესაძლებელი იქნება: 2024 წლის 16 დეკემბრიდან 2025 წლის 28 თებერვლის 15 საათის (თბილისის დროით) ჩათვლით.

ინსტიტუციური ტესტირების გავლა შესაძლებელია ჩამოთვლილიდან მხოლოდ ერთ ენაში: ინგლისური, გერმანული, იტალიური, პორტუგალიური, ფრანგული, ბერძნული, ესპანური და თურქული.

ტესტირება გაიმართება 2025 წლის 7 მარტს, 10:00 საათზე საუნივერსიტეტო ბიბლიოთეკაში (უნივერსიტეტის ქ. №11).

ტესტირების შესახებ დამატებითი ინფორმაცია შეგიძლიათ იხილოთ ბმულზე.

თსუ-ს მიერ ადმინისტრირებული საერთაშორისო მობილობის და გაცვლით პროგრამებში მონაწილეობის სხვა დეტალებთან დაკავშირებული ინფორმაცია იხილეთ აქ.