,,უმაღლესი განათლების შესახებ’’ საქართველოს კანონის 22-ე მუხლის  პირველი პუნქტის, საქართველოს ზოგადი ადმინისტრაციული კოდექსის 51-ე მუხლის პირველი ნაწილის, 52-ე მუხლის პირველი ნაწილის,54–ე მუხლის პირველი ნაწილის, 57-ე  მუხლის, 59-ე  მუხლის, ,,საჯარო სამართლის იურიდიული პირის ივანე ჯავახიშვილის სახელობის თბილისის სახელმწიფო უნივერსიტეტის წესდების დამტკიცების თაობაზე’’  საქართველოს განათლებისა და მეცნიერების მინისტრის 2013 წლის 11 სექტემბრის N135/ნ  ბრძანებით დამტკიცებული  ივანე  ჯავახიშვილის სახელობის თბილისის  სახელმწიფო უნივერსიტეტის წესდების მე-14 მუხლის პირველი პუნქტის, მე-8 პუნქტის ,,ა”, ,,პ" ქვეპუნქტებისა და მე-9 პუნქტის, თსუ უწყვეტი განათლების ცენტრის  უფროსის 2026 წლის  15 ივლისის    N15900/10  წერილის საფუძველზე,

ვ ბ რ ძ ა ნ ე ბ:

1.შევიდეს ცვლილება  „სსიპ - ივანე ჯავახიშვილის სახელობის თბილისის სახელმწიფო უნივერსიტეტის უწყვეტი განათლების ცენტრის აბიტურიენტთა მოსამზადებელ განყოფილებაში  2026-2027 სასწავლო წელს ერთიანი  ეროვნული გამოცდებისათვის ცალკეულ საგნებში მომზადების  წლიური   საფასურისა  და  მასწავლებელთა ანაზღაურების  ტარიფების განსაზღვრის შესახებ“ ადმინისტრაციის ხელმძღვანელის 2026  წლის 03   ივლისის    N180/02-01 ბრძანებაში, კერძოდ: ზემოაღნიშნული ბრძანების მე-4 პუნქტის „ა.ა.“ ქვეპუნქტი ჩამოყალიბდეს შემდეგი სახით:

„ა.ა. პირველი ეტაპის  გადახდა  განხორციელდეს მოსამზადებელი  კურსის     მსმენელის    მიერ სწავლის დაწყებამდე“ ;

2.შევიდეს    ცვლილება   „სსიპ      - ივანე    ჯავახიშვილის   სახელობის   თბილისის    სახელმწიფო უნივერსიტეტის უწყვეტი     განათლების           ცენტრის      აბიტურიენტთა     მოსამზადებელ განყოფილებაში  2026-2027 სასწავლო წელს ერთიანი  ეროვნული გამოცდებისათვის ცალკეულ საგნებში მომზადების  წლიური   საფასურისა  და  მასწავლებელთა ანაზღაურების  ტარიფების

განსაზღვრის  შესახებ“  ადმინისტრაციის ხელმძღვანელის 2026   წლის 03 ივლისის    N180/02-01 ბრძანებაში,  კერძოდ: ზემოაღნიშნული ბრძანების  მე-4 პუნქტს დაემატოს   „კ.)“ ქვეპუნქტი  და ჩამოყალიბდეს შემდეგი სახით:

„კ.) აბიტურიენტის/წარმომადგენლის  მიერ  კურსზე ხელშეკრულების  გაფორმების დროს, თუ აბიტურიენტის მიერ გასავლელი საათების რაოდენობა აღემატება 70 საათს, აბიტურიენტი იხდის კურსის   საფასურის   სრულ  ღირებულებას,   100%-ს;     აბიტურიენტის/წარმომადგენლის   მიერ კურსზე ხელშეკრულების  გაფორმების დროს, თუ  აბიტურიენტის  მიერ გასავლელი საათების რაოდენობა შეადგენს  70 საათს ან ნაკლებს, აბიტურიენტი იხდის კურსის  საფასურის  სრული ღირებულების ნახევარს, 50%-ს;“

3.   დაევალოს უნივერსიტეტის კანცელარიას წინამდებარე  ბრძანების  გაცნობა დაინტერესებული პირებისათვის;
4.   დაევალოს        საინფორმაციო    ტექნოლოგიების         დეპარტამენტს     ბრძანების     განთავსება უნივერსიტეტის ოფიციალურ ვებგვერდზე;
5.   ბრძანება ძალაში შედის გამოცემისთანავე.

ადმინისტრაციის ხელმძღვანელი ლაშა საღინაძე