სახელმძღვანელო მომზადებულია ივანე ჯავახიშვილის სახელობის თბილისის სახელმწიფო უნივერსიტეტის ეკონომიკის და ბიზნესის ფაკულტეტზე, ბაკალავრიატის საგანმანათლებლო საფეხურზე ამჟამად მოქმედი სილაბუსის - "მოსახლეობის სტატისტიკა" - შესაბამისად. მასში განხილულია მოსახლეობაში მიმდინარე დემოგრაფიული და სოციალური პროცესების სტატისტიკური შესწავლისა და ანალიზის თანამედროვე თეორიული და მეთოდოლოგიური საკითხები.

სახელმძღვანელო განკუთვნილია უმაღლესი სასწავლებლების ბაკალავრიატის საფეხურის სტუდენტებისათვის. ის, ასევე, დახმარებას გაუწევს მაგისტრანტებს, დოქტორანტებს, აღნიშნული პროფილის პრაქტიკოს სპეციალისტებს და მოსახლეობის სტატისტიკის შესწავლით დაინტერესებულ პირებს.