საბაკალავრო პროგრამის სახელწოდება:გამოყენებითი ბიომეცნიერებები და ბიოტექნოლოგია

საბაკალავრო პროგრამის ხელმძღვანელები:

ნინო ინასარიძე - თსუ ზუსტ და საბუნებისმეტყველო მეცნიერებათა ფაკულტეტის მოწვეული ლექტორი

ნინო არჩვაძე - თსუ ზუსტ და საბუნებისმეტყველო მეცნიერებათა ფაკულტეტის ასისტენტ პროფესორი

პროგრამის  მიზანი:

საგანმანათლებლო პროგრამის მიზანია წვლილი შეიტანოს ეროვნულ და ზოგადსაკაცობრიო ღირებულებათა დამკვიდრებაში ახალგაზრდა თაობის ინტელექტუალური, ზნეობრივი, კულტურული და სოციალურ-ეკონომიკური განვითარების ხელშეწყობის გზით, კერძოდ:

• მოამზადოს  კვალიფიციური  სპეციალისტი  გამოყენებითი  ბიომეცნიერებებისა და ბიოტექნოლოგიის მულტიდისციპლინურ დარგში,  რომლის კვალიფიკაცია  შეესაბამება უმაღლესი  განათლების  პირველი  საფეხურის (ბაკლავრიატის) სტანდარტებს;
• უზრუნველყოს  სტუდენტებში როგორც  დარგობრივი  თეორიული  ცოდნა/გაცნობიერების  და პრაქტიკული უნარ-ჩვევების,  ასევე ზოგადი, ტრანსფერული უნარების განვითარება;
• ხელი შეუწყოს ბიოტექნოლოგიის მიმართულებით ახალი ცოდნის შექმნას, განვითარებასა და გავრცელებას;
• შესძინოს სტუდენტს განათლების შემდგომ  საფეხურებზე  სწავლის გაგრძელებისათვის აუცილებელი ცოდნა და უნარები;
• ხელი შეუწყოს სტუდენტის პიროვნულ განვითარებას (მაგ., საკომუნიკაციო უნარების განვითარება, საზოგადოებრივ საქმიანობაში ჩართულობა);
• მოამზადოს ისეთი სტუდენტი, რომლის კვალიფიკაცია და კომპეტენციები უზრუნველყოფს მის კონკურენტუნარიანობას დასაქმების ბაზარზე.

საბაკალავრო პროგრამაზე სწავლის უფლება კონკურსანტებს ენიჭებათ ერთიანი ეროვნული გამოცდების გავლის შემდეგ,

საბაკალავრო პროგრამის კურსდამთავრებულების შესაძლო დასაქმების სფეროებია:

საბაკალავრო  პროგრამის – “გამოყენებითი ბიოლოგია და  ბიოტექნოლოგია”  კურსდამთავრებულებს დასაქმების ფართო არეალი  აქვთ:

• ჯანდაცვის, კვების,  სასოფლო-სამეურნეო და სხვა მომიჯნავე პროფილის საწარმოები;
• უნივერსიტეტები, სამეცნიერო–კვლევითი ინსტიტუტები და შესაბამისი პროფილის ლაბორატორიები;
• კლინიკურ - სადიაგნოსტიკო ცენტრები და შესაბამისი პროფილის ლაბორატორიები;
• ბიოლოგიური ექსპერტიზის სამსახურები;
• ფარმაკოლოგიური და ფარმაცევტული კომპანიები;
• კვების მრეწველობისა და სასოფლო სამეურნეო პროფილის კომპანიები;
• სურსათის წარმოების, მომარაგებისა და გაყიდვის სამსახურები;
• სანიტარული უსაფრთხოების სამსახურები;
• სურსათის უვნებლობის სამსახურები;
• აგრო–წარმოების მოწყობის სამსახურები;
• გარემოს დაცვის სამთავრობო და არასამთავრობო ორგანიზაციები;
• დაცული ტერიტორიების დეპარტამენტი. ეროვნული პარკები და ნაკრძალები, ზოოპარკები და ბოტანიკური
• ბაღები;
• სახელმწიფო/კერძო კვლევითი და საკონსულტაციო სამსახურები;
• მარეგულირებელი და საკონსულტაციო სტრუქტურები;
• ზოგადსაგანმანათლებლო დაწესებულებები (საჯარო და საერო სკოლები)
• კურსდამთავრებულებს შეეძლებათ გააგრძელონ სწავლა  მაგისტრატურაში როგორც საქართველოში, ისე ქვეყნის ფარგლებს გარეთ, ბიოლოგიის, სოფლის  მეურნეობის, კვების, ფარმაცევტული, ტოქსიკოლოგიური და სხვა მომიჯნავე სპეციალობების სამაგისტრო პროგრამებით.
• კურსდამთავრებულებს  აქვთ  შესაძლებლობა  სწავლა გააგრძელონ „განათლების  მეცნიერებების“ სამაგისტრო პროგრამაზე  და/ან მასწავლებლის მომზადების 60 კრედიტიანი პროგრამის გავლის შემდგომ დასაქმდნენ საჯარო და კერძო ზოგადსაგანმანათლებლო დაწესებულებებში მასწავლებლის პოზიციაზე.