1976 წელს დაამთავრა თბილისის სახელმწიფო უნივერსიტეტის  ფილოლოგიის ფაკულტეტი. 1991 წლიდან დღემდე მუშაობს თბილის სახელმწიფო უნივერსიტეტში  ჟურნალისტიკის, (2016 წლიდან - სოციალურ და პოლიტიკურ მეცნიერებათა) ფაკულტეტზე   ასოცირებული პროფესორის თანამდებობაზე. პარალელურად მუშაობს გამოცდების ეროვნული ცენტრის ქართული ენისა და ლიტერატურის ჯგუფის წევრად.

თამაზ ჯოლოგუას კვლევის ძირითადი სფეროები: მე-19 ს-ის ქართული ჟურნალისტიკა, ლიტერატურა, საზოგადოებრივი აზრის ისტორია.

თამაზ ჯოლოგუა ავტორია 70-მდე სამეცნიერო სტატიის, 3 მონოგრაფიისა და ერთი სახელმძღვანელოსი.

თამაზ ჯოლოგუა არის  XIX საუკუნის საქართველოში სახელმწიფო და საზოგადო მოღვაწის, დიმიტრი ყიფიანის  ერთ-ერთი ბიოგრაფი.

დაჯილდოვებულია დიმიტრი ყიფიანის სახელობის მედლითა და პრემიით. 

ბიბლიოგრაფია:

დიმიტრი ყიფიანი (1830-1860), თბ.: თსუ გამომცემლობა, 2002.

დიმიტრი ყიფიანის ორი საისტორიო თხზულება, თბ.: თსუ გამომცემლობა, 2016.

დიმიტრი ყიფიანის კულტურულ-საგანმანათლებლო, სალიტერატურო და ჟურნალისტური მოღვაწეობა, თბ.: 1999.

,,ტფილისის კერძო ბიბლიოთეკა’’ (მასალები 19 ს. ქართული საზოგადოებრივი აზრის ისტორიისათვის), თბ.: ნეკერი, 1997.

ქართული ჟურნალისტიკის ისტორია (19 საუკუნე), თბ.: არტანუჯი, 2013.